ಈ ಪುಟೊದ ಪರಿಶೀಲನೆ ಆತ್ಂಡ್
ಪೊರ್ಲ್ಕಂಟ್ ನಾಡ್
ಕನರಾಡಿ ವಾದಿರಾಜ ಭಟ್ಟ
ಪೊರ್ಲ್ಕಂಟ್ ನಾಡ್ | ತೂಲೆ | ನಮ್ಮ ತುಳುವ ನಾಡ್
ಸತ್ಯಧರ್ಮ ಬೂಡು | ಏಪಲ| ನಂಕ್ ಬೋಡೆ ಬೋಡು
ಚೀಪೆ ಉಪ್ಪುನೀರ್ | ಮುಲ್ಪ | ದಿಂಜೊಂದಿತ್ತಿ ಊರು
ಸುಕೊದುಕ್ಕೊ ನಲ್ಕೆ | ಅಯ್ಟೆ! ಬಡ್ಕೊಂದಿತ್ತಿ ಪಲ್ಕೆ
ಪಚ್ಚೆ ಪೊದೆತಿ ಗೂಡು | ಸುತ್ತ | ಗುಡ್ಡೆಬೈಲ್ ಕಾಡ್
ಪಣವುದಾತ್ ಪೊರ್ಲು | ಅವ್ವೆ | ತುಳುವದೇವಿ ತಿರ್ಲ್
ಅಮುರ್ತೊ ದಿಂಜಿ ತಾರೆ | ಹೋ | ಬಂಗಾರ್ ಕೈಲ್ ಬಾರೆ
ಗಿಜ್ಜೆಕಟ್ದಿ ಕಂಗ್ | ತೂಪಿ | ಕಣ್ಣಿಗೊಂಜಿ ಅಂಗ್
ಕೋಲೊನೇಮ ಪರಕೆ | ನೆಟ್ಟ್| ತುಳುವ ಬದ್ಕ್ ಸರ್ಕೆ
ನಂಬಿ ಬೂತೊದೈವ | ನಮ್ಮ |ಮದಿಪು ಬುಡ್ಡು ಪೋವ?
ಕಪ್ಪು ರೆಂಕಿದುಂಡೆ | ಮೋನೆದ | ಬೊಲ್ಟುಚಾಯೆ ಪೋಂಡೆ
ಬ್ಯಾರದಿಂಜಿ ಪೋಂಡೆ | ಬದ್ಕ್ಡ್ | ದುಡ್ಡೆ ಒಂಜಿ ಆಂಡೆ
ಎಡ್ಡೆ ಮಲ್ಟಿ ಮನಸ್ ಲೋಕೊಗ್ | ತುಳುವೆ ಕೊರ್ಪಿ ತಿನಸ್
ಜ್ಞಾನ ದೇವೆರಾರ್ | ಅವ್ವ | ಕಬೆತಿ ಪೆತ್ತ ಪೇರ್
ನೆಯಿ-ಪೇರ್ /75
