ಈ ಪುಟೊದ ಪರಿಶೀಲನೆ ಆತ್ಂಡ್
ಅಮಾಸೆ ಬನ್ನಗ ಪುಣ್ಣಮೆ ಉಂತುಜಿ
• ಡಾ ಇಂದಿರಾ ಹೆಗ್ಗಡೆ, ಬೆಂಗಳೂರು
ಪಡ್ಡಯಿ ಕಡಲಪ್ಪೆ ಮಟ್ಟೆಲ್ಡ್ ಬಾಮಿನವು
ತುಳುರಾಜ್ಯ ತುಳು ದೇಶ ತುಳುನಾಡು ತುಳು ಸೀಮೆ
ವಾ ಪೊರ್ಲು ವಾ ಪೊರ್ಲು ಬೂತೊಲು ಸುಗಿತಿನವು
ಜೆಡೆದೆರ್ತೆ ಕಾಪು ಸತ್ಯೋಲೆ ಕ್ಷೇತ್ರ
ಸತಿಯ ಪುತ್ರ ಪನ್ಪಿ ಹಲ್ಟಿಡಿಯ ಶಾಸನದ
ಆಳುಪ ಗಣ ಪಶುಪತಿನ ಆಳ್ವಖೇಡ
ಸಾರಗಟ್ಟಲೆ ವರ್ಷ ಅಳುಪೆರಾಳ್ದಿನ ದೇಶ
ಕಡ್ಲ ಪುಡೆತಾ ಸೀಮೆ ತುಳುವ ರಾಜ್ಯ
ಗಟ್ಟದಾ ಮಿತ್ತ್ ಇತ್ತಿನಕರೆ ರಾಜ್ಯ
ನಕರೆದಾ ನಡುಟು ಗೇರು ಸೊಪ್ಪೆ
ತುಳುವಪ್ಪೆನಾ ಕುಂಕುಮದ ಬೊಟ್ಟು ಆದ್
ರೈಸೊಂದು ಇತ್ತಿನವು ನಗಿರೆ ರಾಜ್ಯ
ಸಾಲುವೆರ್ ಆಳ್ ದಿನ ತುಳು ರಾಜ್ಯ
ಆಳುವೆರ್ ಆಳ್ ದಿನ ಅಳ್ವಖೇಡ
ಆನಿದಾ ಕಾಲೊಡು ಅಂಕೋಲೆ ತುಳು ರಾಜ್ಯ
ಬಡಕಾಯಿ ಗೋಕರ್ಣ ತೆನ್ಕಾಯಿ ಪಶ್ಯನೂರು
ಬಡಕಾಯಿ ದಿಕ್ಕ್ಡ್ ಸದಾಶಿವ ಗಡ
ತೆನ್ಕಾಯಿಡಿತ್ತ್ಂಡ್ ನೀಲೇಶ್ವರ
ಸದಾಶಿವ ಗಡ ಮುಟ್ಟ ಸಾಲುವೆರೆ ರಾಜ್ಯ
ಆಳುವೆರ್ ಆಳ್ದೆರ್ ನೀಲೇಶ್ವರ ಮುಟ್ಟ
ಸಾಲುವೆರೆ ಆಳುವರೆ ತುಳುವ ದೇಶ
ಅಂಚೊಂತೆ ಪರ್ತೆರ್ ಇಂಚೊಂತೆ ಪೊಲಿತ್ತೆರ್
ನೆಯಿ-ಪೇರ್ /71
