ಈ ಪುಟೊದ ಪರಿಶೀಲನೆ ಆತ್ಂಡ್
ಉಂಡು ತಿಂದ್ದ್ ಮಂಡೆದೆರ್ಪುನ
ತುಳುವ ಜವಣೆರ್ ಬಿರೆಲ್ಡ್
ನೇಜಿ ನಡ್ಡಿನ ಪೊರ್ಲು ಪೊಣ್ಣುಲೆ
ಮೋನೆಡರ್ಲುನ ತೆಲಿಕೆಡ್
ಕಾಜಿ ಕಣಕಣ ಪನ್ಪಿ ಪಾಡ್ದನ
ತುಳುತ ಸಂತೊಸು ನಲಿಕೆಡ್
ನೀರ್ ಒಯಿಪುನ ಪಣೆತ ಬೆಮ್ಮರ
ಕೀರಿ ಸಬುದೊನು ಕೇಂಡರ
ಮಗತ್ ಮಗುರುನ ನೀರ ಧಾರೆಗ್
ಸಾರ ಕಡೆಗುರಿ ಲಾಗ್ಯರ
ದುನ್ನದುಜ್ಜೆರ್ ಪತ್ದ್ ಮೆದುಪುನ
ಒಂಜೆ ಗೇನದ ತಾಳೊಗು
ಅಬೆತ್ ಆರಿನೊರ ಪುಡೆಪು ತಡೆದ
ತೌಡು ಪೌಡರ್ ಮೋನೆಗ್
ತುಳುತ ಪಾತೆರೊಗೇನ್ ಐಸ್ರ
ನುಡಿವು ದೈವೊಲೆ ಮದಿಪುಡು
ಬೊಟ್ಟಿ ತೆಂಬರೆ ರಾಗ ತುಂಬರೆ
ಕೋಲ ತಂಬಿಲ ಕೊಡಿಪುಡು
ತುಳುವೆರೆಂಕುಲು ತುಳುವೆರೆಂಕುಲು
ತುಳುತ ಮಣ್ಣಿದ ಜೋಕುಲು
ತುಳುನು ಪಾತೆರು ತುಳುವೆ ಮಾತೆ
ತುಳುತ ಬಣ್ಣೊದ ಸೋಕುಲು
ನೆಯಿ-ಪೇರ್ / 70
