ಈ ಪುಟೊದ ಪರಿಶೀಲನೆ ಆತ್ಂಡ್
ತುಳುಮಣ್ಣ್ದ ಜೋಕುಲು
• ಎನ್.ಪಿ. ಶೆಟ್ಟಿ, ಮುಲ್ಕಿ
ತುಳುವರೆಂಕುಲು ತುಳುವೆರೆಂಕುಲು
ತುಳುತ ಮಣ್ಣ್ದ ಜೋಕುಲು
ತುಳುನು ಪಾತೆರು ತುಳುವೆ ಮಾತೆರ್
ತುಳುತ ಬಣ್ಣೊದ ಸೋಕುಲು
ತೋಜು ಬೊಲ್ಪುಡು ಬೀಜು ಗಾಳಿಡ್
ಊಜಿ ಬರ್ಪುಂಡು ತುಳು ತುಳು
ನಡಪು ಭೂಮಿಡ್ ಪರಪು ನೀರ್ಡ್
ತುಳುತ ಪಾತೆರ ಜುಳುಜುಳು
ತನು ನಿಲೆವೆರೆ ತೀರೊ ಬಿಂಕೊದ
ತುಳುವ ಜನ ಇನಿ ಜತ್ತಿನ
ಕಳೊತ ಬೀರೊಡು ಏರಿ ನೆತ್ತರ
ಸುಲೆಕ ಸುಗಿಪರೆ ಇತ್ತಿನ
ಊರು ಬುಡಿಯೆರ್ ದೂರ ನಿಲೆಯೆರ್
ಬಡವು ಬಾಜೆಲ್ ಗಾಕುಲು
ಊರ ಅಪ್ಪೆನ ರುಣೊತ ತುಪ್ಪೆನ್
ನೆನೆತ್ ತುಂಬುನ ಜೋಕುಲು
ಅಕ್ಕ ಅಣ್ಣಾ ಪಂದ್ ಲೆತ್ತೆರ್
ತುಳುತ ಸಬ್ಧೊನು ಕೇಂಡ್ದ್
ಬೇನೆ ಬೆಸರ್ನ್ ಪಟ್ದ್ ತೆಲಿತೆರ್
ತುಳುತ ಪಿರ್ತಿನ್ ಉಂಡುದು
ಪಜಿರ್ ಮೇಪಿನ ಪೆತ್ತ ಕಂಜಿದ
ಅರೆದು ಶಬ್ದೊದ ಬಂಜಿಡ್
ಪೇರ್, ಕಂಡೊದ ಕಯಿತ ಕೊರಲ್ಡ್
ತುಳುತ ಕಮ್ಮೆನ ದಿಂಜಿದ್
ಕಂಡ ದತ್ತ್ದ್ ಬಿತ್ಗ್ ಬುಲೆಸಲೆ
ಎರ್ಲೆ ಪಿರವುದ ಒರಲ್ಡ್
ನೆಯಿ-ಪೇರ್/69
