ಈ ಪುಟೊದ ಪರಿಶೀಲನೆ ಆತ್ಂಡ್
ಆರತಿ
ಎಸ್.ಎಸ್. ಕಾರ್ಕಳ
ಚೆಂಡೆ ಮದ್ದೊಳಿ ಕೊಂಬು ವಾದ್ಯೊಡು
ದುಂಬು ಸಂದಗ ಆರತಿ
ನಂಬಿನಕ್ಲೆಗ್ ಇಂಬು ಕೊರುಪುನ
ಅಂಬೆ ಬಾಲೆಗ್ ಆರತಿ
ಜೈ ಜೈ ತುಳುನಾಡ್ಗ್
ಜಯತು ಜಯ ತುಳು ಅಪ್ಪೆಗ್||ಚೆಂಡೆ||
ಪರಶುರಾಮನ ಕುಡರಿಡುದಿತಿನ
ಪುಣ್ಯಭೂಮಿಗ್ ಆರತಿ
ಕಾಲಕಾಲದ ಬರ್ಸ ದೊಂಬುಗು
ಬೈಲ್ ಬೊಟ್ಟುಲೆಗಾರತಿ
ತುತ್ತು ಪುದೆಪು ನುಪ್ಪು ಕಾಪುನ
ಅಪ್ಪೆ ಭಾರತಿಗಾರತಿ||ಚೆಂಡೆ||
ಅಂಕ ಆಯನ ಕೋಲ ನೇಮೊದ
ಆದಿ ಸ್ಥಾನೊಗು ಆರತಿ
ಮಣ್ಣ್ಮಣ್ಣ್ದ ದೈವದೇವರೆ
ಗುಂಡು ಗುಡಿ ಮಣೆಕಾರತಿ
ಸಾಟಿದಾಂತಿನ ತುಳುವ ಪರಕೆದ
ಮಾಯಲೋಕೊಗು ಆರತಿ||ಚೆಂಡೆ||
ಕಣ್ಣ್ಕಣ್ಣ್ದ ಮದೆಕ್ ಸಂದಿನ
ಪುಣ್ಯಪುರುಷೆರೆಗಾರತಿ
ಮಣ್ಣ್ಮಣ್ಣ್ದ ಸೆಲೆಟ್ ಸೊಂದಿನ
ತುಳುವ ತರೆತರೆಕಾರತಿ
ತಪ್ಪು ಒಪ್ಪುನು ತಿದ್ದ್ಕೊನೊಪುನ
ಅಪ್ಪೆ ತುಳುವೆದಿಗಾರತಿ||ಚೆಂಡೆ||
ನೆಯಿ-ಪೇರ್/66
