ಸತ್ಯದಪ್ಪೆ ಜೋಕುಲು
• ಕೆ. ರಘುನಾಥ ರೈ, ಧರ್ಮಸ್ಥಳ
ಓ ಬೇಲೆ ಓ ಬೇಲೆ ಓ ಬೇಲೆ ಪನ್ಲೆ|
ತುಳುನಾಡ್ಡ ಪೊರ್ಲಕಂಟ್ ಕತೆನೊಂತೆ ಕೇನ್ಲೆ||
ಕಡಲಕರೆತ ಕಾಡಬರಿತ ಬಿರ್ದ್ ಕೇಣ್ರ ಬಲ್ಲೆ!
ಸತ್ಯೊದಪ್ಪೆ ಜೋಕುಲೆನ ಸತ್ವೊ ಶಕ್ತಿ ತೆರಿಲೆ||೧||
ಕಂಜಿ ಕೈಕಂಜಿಲೆಗ್ ಬಂಜಿ ಬಾಯಿದಿಂಜೆರೆಗ್|
ಬೆಂಞಣೊಗು ನೈಪೇರ್ ತಞಣೊಗು ತಮ್ಮನೊಗು||
ಆಂಜೊವೆಗ್ ಪೊಂಜೆವೆಗ್ ಜೋಕುಲೆಗ್ ಬಾಲೆಲೆಗ್||
ಏರೆಗ್ಲಾ ಎಂಚಿನೆಕ್ಲ ಕಡಮೆಯಿಜ್ಜಿ ತೂಲೆ||೨||
ತಾರೆಬಾರೆ ತಾರಿಕಂಗ್ ಪೀರೆ ತೌತೆ ಕೇನೆ ಕೆರೆಂಗ್|
ಕೆಂಬ್ಡೆ ಕುಂಬ್ಡೊ ಬಾರ್ ಬುಳೆವು ತೋಟೊ ಕಂಡೊ ಪಲ್ಕೆಲೆಡ್||
ಉರ್ದು ಎಣ್ಮೆ ಕುಡು ಪದೆಂಗಿ ಮರ್ದ್ಗಾಪಿ ಸೂಂಟಿಕೂವೆ|
ಮುಂಚಿ ಕಂರ್ಬು ಮಂಜಲ್ದಾ ಒರ್ಮೆ ಆಪಿ ಬೇಲೆ ||೩||
ಅಂಕೊ ಆಯನೊ ನೇಮ ಅಗೆಲ್ ಊರ ಜಾತ್ರೆ ನಡಾವಳಿ|
ಎಲ್ಯ ತೇರ್ ಮಲ್ಲ ತೇರ್ ಕಂರ್ಗೊಲು ಪುರುಸೆರ್||
ಆಟಿಕಳೆಂಜೆ ಕೋರಿಕಂಬ್ಳ ಆಟೊ ನಾಗದರ್ಶನೊ|
ಗೋಂದೋಳು ದೋಲ ನಲ್ಕೆ ತೂಕ ಇಡೆಗ್ ಬಲ್ಲೆ||೪||
ಮಧ್ಮೆ ಮಸ್ರಿ ಪರ್ಬೊಲೆಡ್ ದಿಙ್ಣ ಪಾಡು ಆಟೊಲೆಡ್|
ಜಾತಿಕಟ್ಸ್ ನೀತಿನಿಯಮ ಬಿಂಕಬಿರ್ದ್ ತೋಜವುನ|
ಕುತ್ತೊಕಳೆವು ತತ್ವದಕುಲು ಸತ್ಯೊಗಾದ್ ಜೀವಕೊರ್ಪಿ|
ಸತ್ವೊಶಾಲಿ ಬಾಲೆಗುಳೆನ್ ನಿತ್ಯ ಬಾಮಿಲೆ ||
ನೆಯಿ-ಪೇರ್/62
