ಈ ಪುಟೊದ ಪರಿಶೀಲನೆ ಆತ್ಂಡ್
ಓ ಅಪ್ಪೆ ಭಾರತೀ
ಬಿ.ವಿಶ್ವನಾಥ ಅಮೀನ್
ಓ ಅಪ್ಪೆ ಭಾರತೀ
ಐಸ್ರದಾ ಮೂರುತೀ ||ಓ||
ಹಿಂದು ಮುಸ್ಲಿಂ ಸಿಖ್ ಕ್ರೈಸ್ತೆ
ಜಾತಿ ಹಲವು ಭಾಷೆ ಕೆಲವು
ಮೊಕುಲು ಮಾತಾ ನಿನ್ನ ಜೋಕುಲು
ನಿನ್ನ ಮಾನ ಕಾಪುನಕುಲು ||ಓ||
ಸುತ್ತಮುತ್ತ ಸುದೆ ಕಡಲ್
ಏತ್ ಸೊಚ್ಚೊ ನಿನ್ನ ಉಡಲ್
ಪಚ್ಚೆ ಪಚ್ಚೆ ಸೀರೆ ತುತುದು
ಸಿಂಗಾರೊಡೀಯೆ ಐತ ಆದ್ ||ಓ||
ಕತೆ ಕಬಿತೆ ಕಾದಂಬರಿಡ್
ಕಲೆ ವಿಜ್ಞಾನ ಸಾಹಿತ್ಯೊಲೆಡ್
ನಾಲ್ ಮೈಟ್ಲಾ ಪುದರ್ನಿಕ್ಕ್
ಇಂಚಿ ಭ್ಯಾಗ್ಯೊ ಏರೆಗ್ ತಿಕ್ಕು ||ಓ||
ಮಲ್ಲಿಗೆ ಕೇದಯಿ ಜಾಜಿ ಪಿಂಗಾರ
ಬೊಳ್ಳಿ ಬಂಗಾರ ಶಿಲ್ಪ ಸಿಂಗಾರ
ಮುತ್ತು ರತ್ನ ವಜ್ರ ವೈಢೂರ್ಯ
ಉಂಡೇತ್ ನಿನಡ ಸಂಪತ್ತೈಸಿರೊ ||ಓ||
ಕಣ್ಣನೀರ್ ಬೂರಿನಲ್ಪೊ
ನೆತ್ತೆರ್ನೇ ಕೊರ್ಪಿನಕುಲು
ಎಂಕುಲುಲ್ಲ ನೂದು ಕೋಟಿ
ಮಹಾಮಾತೆ ನಿಕ್ಕೇರ್ ಸಾಟಿ ||ಓ||
ಸೂರ್ಯೆ ಚಂದ್ರೆರುಪ್ಪು ಮುಟ್ಟ
ನಿನ್ನ ಪುದರ್ ಶಾಶ್ವತಮ್ಮ
ದೇಶ ವಿದೇಶ ನಿನ್ನ ಕೀರ್ತಿ
ಎಂಕ್ಲೆಗೀಯೆ ಜ್ಞಾನ ಜ್ಯೋತಿ ||ಓ||
ನೆಯಿ-ಪೇರ್ /61
