ಭಾಷೆದ ಸಂಪತ್ತ್
ಇಂದಿರಾ ಹಾಲಂಬಿ
ಭೂಮಂಡಲದ ನಡುಟೆ ಉಂಡು... ಭಾರತ ಭೂಮಿ...
ಭಾರತಿ ಅಪ್ಪೆನ ಮೋಕೆದ ಮಗಲೇ... ಕರ್ನಾಟಕ ಜನನೀ..
ಕರ್ನಾಟಕದ ಕನ್ನಡ ಭಾಷೆಡ್ ಏತೋ ಬಗೆ ಉಂಡು...
ಕನ್ನಡದೊಟ್ಟುಡು ಸಮರಸ ಆವರೆ ಎಂಚಲ ಎಡೆ ಉಂಡು..
ಪಂಚದ್ರಾವಿಡ ಭಾಷೆಲೆ ಪುದರ್ ಪ್ರಸಿದ್ಧಿ ಪಡೆದ್ಂಡ್...
ಕನ್ನಡ, ತಮಿಳು, ತೆಲುಗುದ ಲಕ್ಕನೆ ತುಳುಲಾ ಮೆರೆದ್ಂಡ್...
ತುಳುತಾ ಲಿಪಿನಿ ಮಲೆಯಾಳ ಭಾಷೆಗ್ದೆತೊಂದು ಪೋಯರ್ಗೆ...
ತುಳುವ ಆಂಜೊವು, ಪೊಂಜೊವು ಮಾತಾ ಸಹನಶೀಲೆರ್ಗೆ...
ಇಲ್ಲ್ದ ಉಲಯಿ, ಪೇಟೆದ ನಡುಟು ತುಳುಭಾಷೆದ ಪೊರ್ಲು
ಕಯ್ಯಾರ ಪನ್ಪಿ ಮಹಾನುಭಾವೆ ಕಿಞ್ಞಣ್ಣೆರೆ ಪುದರ್...
ವಿಶ್ವಮಟ್ಟಡ್ ಪುದರ್ ಪಡೆವೆರ್ ತುಳುವ ಬಾಂಧವೆರ್ಯ
ವಿಶ್ವಸುಂದರಿ ಪಂತೊನಿ ಗೆಂದ್ದಿ ಐಸಿರಿ ಮದಪಯೆರ್...
ಮಂಗೂ (ಕುಡ್ಲ) ದಾತುಳು, ಉಡ್ಪಿದಾತುಳು ತೆಂಕಾಯಿದ ತುಳುಗೆ...
ಮಾತಾ ತುಳುವೆರ್ ಒಂಜೇ ಪಾತೆರ ಮೋಕೆಡ್ ಪನುವೆರ್ ಗೆ...
ಎಣ್ಮನೆ ಪರಿಟ್, ಶಾಸ್ತ್ರೀಯ ಗರಿಟ್ ತುಳುಭಾಷೆ ದೂರಡುಂಡು
ಎಂಚಿನ ಆಂಡಲ ತುಳುವೆರೆ ಹೃದಯೊಡು ಒಂಜಿನೆ ಸ್ಥಾನೊಡು
ಉಡಲ್ಡ್ ಸುರೂತ ಸ್ಥಾನೊಡುಂಡು...
ಸ್ಥಾನ... ಶಾಶ್ವತ ಆದುಂಡು...
ನೆಯಿ-ಪೇರ್ /60
