ತುಳುನಾಡ ಬಿರ್ಸೆರ್
ಬಾಲಕೃಷ್ಣ ರೈ
ಕವಿಯಾತೆರ್ ಕವಿಯಾತೆರ್ ಮಾಮಲ್ಲ ಜನ ಆತೆರ್
ತುಳುವಪ್ಪೆ ನಾಡ್ದ ಕಣ್ಬೊಂಬೆಯಾತೆರ್!!
ಮಂದಾರ ಪೂತಲೆಕ್ಕ ಮಂದಾರೆರ್ ಇತ್ತೆರ್
ಮಂದಾರ ರಾಮಾಯಣ ಕತೆನಾರ್ ಬರೆತೆರ್
ಗಡಿನಾಡ್ದ ಕವಿಯಾದ್ ಕಯ್ಯಾರೆರ್ ಉಲ್ಲೆರ್
ಗಡಿನಾಡ್ದ ನೆಲೆಕಾದ್ ಎದೆತಟ್ಟ್ದ್ ಉಂತ್ಯೆರ್
ಗುತ್ತುದ ಗತ್ತ್ದ ಜತ್ತಪ್ಪ ರೈಕುಲು
ಬೆಡಿ ಪತ್ತ್ದ್ ಪಿಲಿಗಿಡೆತಿನ ಕತೆನಾರ್ ಬರೆತೆರ್!!
ತುಳುಕಾದ್ ಕಾದಿನ ಧೀರೆ ಪಣಿಯಾಡ್ಯೆರ್
ತುಳುನಾಡ ಕಿಲ್ಲೆರ್ ನಾಡ್ಗಾದ್ ಉಂತ್ಯೆರ್
ಕವಿಯಾದ್ ಮೆರೆತೆರ್ ಗೋವಿಂದ ಪೈಕುಲು
ಸಿರಿಪಾಡ್ದನ ಪಂಡೆರ್ ಗೋಪಾಲ ನಾಯ್ಕೆರ್
ಯಕ್ಷಗಾನೋಡು ಮೆನ್ಕಿ ಮಂಡೆಚ್ಚ ಬಲಿಪೆರ್
ಪಾತೆರೊದ ಬಿರ್ಸೆರ್ ಶೇಣಿ ಸಾಮುಗೆರ್!!
ಬೊಂಬಾಯ್ದ ಸುನಿತಕ್ಕ ದರ್ಬೆದ ಚೌಟೆರ್
ತುಳುನಾಡ ಚಾವಡಿಡ್ ಮೆನ್ಕೊಂದು ಉಲ್ಲೆರ್
ಸಾಹಿತ್ಯ ಕಡಲ್ಡ್ ಪೊರ್ಲಕಂಟ್ದ ಮೀನ್
ಪಾಲ್ತಾಡಿ ಕುಲಾಲೆರ್ ನೀಂದೊಂದು ಇತ್ತೆರ್
ಅಮೃತೆರ್ ಇತ್ತ್ಂಡ ಕಲೆಕೊಂಜಿ ಕಮ್ಮೆನ
ತುಳುವಪ್ಪೆ ಕೂಟೊಡು ಆರೊಂಜಿ ತಮ್ಮಲೆ!!
ತುಳುವಪ್ಪೆ ಚಾಕ್ರಿನ್ ಮಾತೆರ್ಲ ಮಲ್ತೆರ್
ಉಂದುವೆ ತುಳುವಪ್ಪೆ ಜೊಕ್ಲೆನಾ ಉಸಿರೋ...!!
ನೆಯಿ-ಪೇರ್ /56
