ತುಳುವ ಮಣ್ಣ್ದ ಕಮ್ಮೆನ
ರಾಜೇಶ ಶೆಟ್ಟಿ ದೋಟ
ವಾ ಒಂಜಿ ಕಮ್ಮೆನ
ಈ ತುಳುವ ನಾಡ್ದ ಮಣ್ಣ್ದ...
ಬಿರ್ದ್ ಬಿಂಕದ ಅಂಕ ತಂಕದ
ನೇಮ ಕೋಲಲೇ ಆಯನ...
ಬೀರಬೈದೆರೆ ಸಾನ ಗರೋಡಿಲು
ಭೂತ ಕುಲೆಕುಲೇ ಮಾಡೊಲು....
ಅಗೋಳಿ ಮಂಜಣೆ ಭೂತಾಳ ಪಾಂಡ್ಯೆರೆ
ಪೆರ್ಮೆ ಪಸರಿನ ಕತೆಕುಲು...
ಎರುಕ್ಲೆ ಕಂಬುಳ ಕೋರಿ ಕಟೊಲು
ಆಟ-ಕೂಟದ ಮೇಳೊಲು...
ಕೋಲ ತಂಬಿಲ ನಾಗ ಮಂಡಲ
ಅಗೆಲ್ ನೇಮೊದ ಪಾರ್ದನ...
ನಾಗಬೆರ್ಮೆರೆ ಗುಂಡೊಲು, ಸಾರ ಕಂಬೊದ ಬಸ್ತಿಲು
ಗೊಮ್ಮಟೇಶ್ವರ ಮೂರ್ತಿಡಿಪ್ಪಿನ ಕೈಚಳಕೊದ ಮೈಮೆಲು...
ಗುತ್ತು ಬರೀಕೆಲು, ಮಣ್ಣ್ಮರಿಯಾದಿದ ಬೂಡುಲು
ತರೆದೆರ್ತ್ದುಂತಿದಿ ದೈವೊಲೆ ಸಾನೊಲು...
ಬೊಟ್ಟು ಬೈಲ್ ಕಂಡೊಲೆ ಸಾಲ್ ಸಾಲ್
ಪಚ್ಚೆ ಪೈರ್ದ ಕಂಡ ತೋಟಲೆಡ್ ದಿಂಜಿದಿ ಪೊರ್ಲು....
ತನ್ನಿಮಾನಿಗ ಅಬ್ಬಗದಾರಗ ಆಟಿಕಳೆಂಜನ ನೆಂಪುಲು
ತುಳುವ ನಾಡ್ದ ಪಿರಾಕ್ಡಿಪ್ಪಿನ ನಿಚ್ಚ ಸುಗಿಪಿನ ಪದೊಕುಲು...
ಬಂಟೆ ಬಿರಾಣೆ ಜೈನೆ ಬಿರುವೆ
ಕೊರಗೆ ಕೊಂಕಣೆ ಮೂಲ್ಯೆ ಪರವೆ...
ಜಾತಿದಪ್ಪೆನ ಮೋಕೆ ಜಕ್ಕೆಲ್ಡ್
ಮಾತಾ ತುಳುವೆರೆ ನಿರೆಲುಲು...
ತುಳುವ ಮಣ್ಣ್ದ ಪುರ್ಪದೈಯಿಟ್
ಅರಳೊಡಾಯಿನ ಕಬಿತೆಲು
ನೆಯಿ-ಪೇರ್ /55
