ಈ ಪುಟೊದ ಪರಿಶೀಲನೆ ಆತ್ಂಡ್
ತುಳುನಾಡ ನಲಿಕೆಲು
• ಶರತ್ ಕುಮಾರ್ ತೋನ್ಸೆ
ಆಟಿ ಕಳಂಜೆ ಚೆನ್ನು ನಲಿಕೆ
ಪಿಲಿ ಪಂಜಿ, ದುಡಿ ನಲಿಕೆ
ಕರಂಗೋಲು ಕೊರಗು ನಲಿಕೆ
ನೆತ್ತ ವಿಷಯ ತುಳುವೆರ ಬಾಯಿನಿಲಿಕೆ
ಮದಿಮ್ಮಾಯ ಮದಿಮ್ಮಾಲ್ ದಪ್ಪುನಲಿಕೆ
ಕಂಗೀಲು, ಜೋಗಿ ಅರಸು ದೋಲ ನಲಿಕೆ
ಸೋಣದ ಜೋಗಿ ಜೋಡಿ ವೇಸೋ ಪಿಲಿನಲಿಕೆ
ತೂನಗ ಜೋಕುಲೆನ ಮೋನೆಡೆ ತೆಲಿಕೆ
ಎರು ಕೋಲ, ಕುದ್ರೆ ಕೋಲ ಕರಡಿ ನಲಿಕೆ
ಸಿದ್ಧ ವೇಸೋ ಬಾಲೆ ಸಾಂತು ಚಿಕ ಮೇಳ ನಲಿಕೆ
ಮಾಯಿದ ಪುರುಷ ನಲಿಕೆ
ಮಾತೆರ್ಲ ಕಲ್ಪೊಡಾಯಿನ ಕಲಿಕೆ
ನೇಮೊದ ನಲಿಕೆ, ಕೋಲದ ನಲಿಕೆ
ಯಕ್ಷಗಾನದ ನಲಿಕೆ, ಬೆನ್ನಿದಗಲ ನಲಿಕೆ
ದರ್ಸನ ನಲಿಕೆ, ದೊಂಪದ ನಲಿಕೆ
ತುಳುವೆರೆ ಬೋಡು ಗಮ್ಮತ್ತ್ದ ನಲಿಕೆ
ತುಳುನಾಡ ನಲಿಕೆಲು
ನಮ್ಮ ಸಂಸ್ಕೃತಿದ ಕಲೆಕುಲು
ಅವ್ವೇ ನಮ್ಮ ಸಂಪತ್ತ್ದ ಬುಲೆಕುಲು
ಅಂಚಾದೆ ನಮ ಇನಿ ಧನಿಕುಲು
ನೆಯಿ-ಪೇರ್ /53
