ಈ ಪುಟೊದ ಪರಿಶೀಲನೆ ಆತ್ಂಡ್
ಎನ್ನ ಈ ತುಳುನಾಡ್
• ಏರ್ಯ ಲಕ್ಷ್ಮೀನಾರಾಯಣ ಆಳ್ವ
ಎನ್ನ ಈ ತುಳುನಾಡ್
ಬದ್ಕ್ ಸದ್ಕ್ದ ಬೂಡು
ಬಂಗಾರ್ದ ಬಟ್ಟಲ್
ಸಿಂಗಾರ್ದ ತೊಟ್ಟಿಲ್
ಬೂಮ್ಯಪ್ಪೆ ಮಟ್ಟೆಲ್||೧||
ಕಡಲ್ದಪ್ಪೆನ ಉಡಲ್
ಬುಡುದು ಕೊರ್ತ್ನ ಕೊಡುಗೆ
ಕೊಡಲಿ ರಾಮನ ಬಿರ್ದ್
ಸದ್ರ್ ಬತ್ತಿನ ಚೋದ್ಯ||೨||
ಮೂಡು ಗಟ್ಟೊಲೆ ಸಾಲ್
ಪಡುಟು ಮೊರೆಸುನ ಕಡಲ್
ನಡುಟು ಪಯಿರ್ದ ಕಂಡ
ಇಡೆಟ್ ತಾರೆಲು ಕಂಗುಲು||೩||
ಬೂಡು ಗುತ್ತುಲ ಬರ್ಕೆಲು
ನೆಗೆತಿ ತಿಗಲೆದ ಆಂಜೊವು
ಇಲ್ಲ್ ನಡಪವು ಪೊಂಜೊವು
ಬಿರ್ದ್ ಬೀರೆರ್ ತುಳುವೆರ್||೪||
ಸಾರ ಮದಿಪುದ ಬೂತೊಲು
ಮೂಲ ಆಲಡೆ ನಾಗೆರ್
ಅರಸು ಕಂಬುಳ ಆಟೊಲು
ಕೋರಿ ಕಟ್ಟದ ಕೂಟೊಲು||೫||
ನೆಯಿ-ಪೇರ್/50
