ಈ ಪುಟೊದ ಪರಿಶೀಲನೆ ಆತ್ಂಡ್
ದೇಸ ಕಾಪುವೆ
• ರಘು ಇಡ್ಕಿದು
ದೇಸ ಕಾಪುವೆ ಯಾನ್
ದೇಸ ಕಾಪುವೆ
ದೇಸೊಗಾದ್ ಎನ್ನಲ
ಪ್ರಾಣೊನು ಕೊರುವೆ ||
ಕೋಟಿ ಕೋಟಿ ಜನೊಕ್ಲೆಡ್ದ್
ದಿಂಜಿ ದೇಸಯೆ
ಎನ್ನ ನೆಲ ಎನ್ನ ಜನ
ಮಾತ ಕಾಪುವೆ ||
ಎನನ್ ಪೆದ್ದಿ ಎನನ್ ಸಾಂಕಿ
ಎನ್ನ ಅಪ್ಪೆ ಭಾರತಿ
ಪೇರ್ ಕೊರ್ದು ನುಪ್ಪು ಕೊರ್ದು
ಬುಳೆಪಯಿಂಚಿ ಮೂರುತಿ ||
ಇಂಚಿ ಅಪ್ಪೆ ರಕ್ಷೆಗಾದ್
ತಿಗಲೆ ಕೊರ್ದು ಉಂತುವೆ
ಯೇರೆ ಬರಡ್ ಪೊಗ್ಗಡುಲಯಿ
ಅಕ್ಲೆನ್ಯಾನ್ ಗಿಡಪುವೆ ||
ಪುಣ್ಯಭೂಮಿ ಎನ್ನ ಭೂಮಿ
ಸ್ವರ್ಗೊಡ್ದುಲ ಹೆಚ್ಚಿಗೆ
ಉಂದೆನ್ ಕಾಪು ಕೆಲಸ ಎಂಕ್
ಭಾರಿ ಭಾರಿ ಮೆಚ್ಚಿಗೆ ||
ನೆಯಿ-ಪೇರ್ /49
