ಈ ಪುಟೊದ ಪರಿಶೀಲನೆ ಆತ್ಂಡ್
ತುಳುವಪ್ಪೆನ ಜೋಕುಲೆಂಕುಲು
• ಅಶೋಕ್ ಕುಮಾರ್ ಬೆಟ್ಟಂಪಾಡಿ
ಆದಿ ಮೂಲೊಡು ಇತ್ತಿನಕುಲು |
ಕೋಡೆ ಮುರಾನಿ ಬತ್ತಿನಕುಲು ||
ಎಲ್ಲೆ ಎಲ್ಲಂಜಿ ಬಲ್ಪಿನಕುಲು |
ತುಳುವಪ್ಪೆನ ಜೋಕುಲೆಂಕುಲು ||
ಬಾಲೆ ತೊಟ್ಟಿಲ್ ಒಚ್ಚುನಕುಲು |
ತುಳುವೆರೆಂಕ್ಲು ಪಣ್ಫಿನಕುಲು ||
ತುಳು ಬಾಷೆಡ್ ಲೆಪ್ಪುನಕುಲು |
ತುಳುವಪ್ಪೆನ ಜೋಕುಲೆಂಕುಲು ||
'ಅಪ್ಪೆ' 'ಅಮ್ಮೆಂದ್ ಮೆಣ್ಫಿನಕುಲು |
ಪೆತ್ತ ಕಂಜಿನ್ ತಾಂಕುನಕುಲು ||
ಕತ್ತಿ ಕೊಟ್ಟುಡು ಬೆನ್ಫುನಕುಲು |
ತುಳುವಪ್ಪೆನ ಜೋಕುಲೆಂಕುಲು ||
ಮೂಲು ಏಪಲ ಇಪ್ಪುನಕುಲು |
ಮೂಲ ನಾಗನ್ ನಂಬುನಕುಲು ||
ಪೊಸರ್ ಗಿಲ್ಲ್ ದಿಂಜಾಪುನಕುಲ್ |
ತುಳುವಪ್ಪೆನ ಜೋಕುಲೆಂಕುಲ್ ||
ಇಲ್ಲ್ ಪಿತ್ತ್ಲ್ ಮಲ್ಫಿನಕುಲು |
ಪಳ್ಳಿ ಇಗರ್ಜಿಗ್ ಪೋಪಿನಕುಲು ||
ದೈವ ದೇವೆರೆ ನಂಬುನಕುಲು |
ತುಳುವಪ್ಪೆನ ಜೋಕುಲೆಂಕುಲು ||
ನೆಯಿ-ಪೇರ್ /46
