ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ತುಳುವಪ್ಪೆ ಮೂಡಾಯಿ ಮುಂದಿಲ್ಡುಂಡು ಪಚ್ಚೆ ಘಟ್ಟದ ತೋರಣ ಪಡ್ಡಾಯಿ ಉದ್ದೊಗು ತೋಜೊಂದುಂಡು ನೀಲಿ ಕಡಲ್ ಅಂಗಣ || ಪ || ಮಕ್ಕೊಡು ಮೂಲು ನಲಿತೊಂದುಂಡು ತಂಪು ಕೊರಿನ ಕಂಗ್ ತಾರೆದ ತೋಟೊಲು ಪಚ್ಚೆ ಪೈ ಒರ್ಮಲಾ ದಿಂಜಿದುಂಡು ಬೊಟ್ಟು ಬೈಲ್ ಮಜಲ್ ಕಂಡೊಲು || ೧ || ತೆನ್ನಾಯಿಡುಂಡು ತುಳುನಾಡ್ದ ತುಂಡು ಅವ್ವ ನಮ್ಮ ಕಾಸರಗೋಡು ಬಡಕಾಯಿಡ್ ನಂಕ್ ತೋಜೊಂದುಂಡು ಕನ್ನಡಪ್ಪೆನ ಪೊರುದ ಬೂಡು || ೨ | ದೈವಸ್ಥಾನ ದೇವಸ್ಥಾನೊಲು ಗುಡಿ ಗೋಪುರ ಗರಡಿಲು ಊರೊರ್ಮೆ ತೋಜುಂಡವುಲು ನಾಗದೇವೆರೆ ಬನೊಕುಲು || ೩ || ಪಾಪ ಕಳೆದ್ ಸುದ್ದ ಮುನ ಪುಣ್ಯ ತುದೆಕುಲು ಉಲ್ಲ ಮೂಲು ನಂಬಿನಾಕೆಗೆ ಇಂಬು ಕೊರಿನ ತುಳುವ ಮಣ್ದ ಸತ್ಯಲು || ೪ || Sar-e0/40 • ಸದಾನಂದ ನಾರಾವಿ
