ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಪೊರ್ಲು ಡಿ. ಜಯರಾಮ ಪಡೆ ಪೊರ್ಲು ಒವ್ವಪ್ಪ ಪೊರ್ಲು ತುಳುವೆರೆ ಬದ್ಕೇ ಪೊರ್ಲು || ಪ || ಕಂಗ್ತಾರೆದ ತೋಟೊನೆ ಪೊರ್ಲು ರಂಗ್ರಂಗ್ ಪಾತೆರ ಪೊರ್ಲು ಬಾರೆ ಬಾರ್ದ ಬುಳೆಚಿಲ್ ಪೊರ್ಲು ಸಾರ ನಮೂನೆದ ಪುರ್ಪೊಲೇ ಪೊರ್ಲು || ೧ || ಜೆತ್ತಿನ ಬಾಲೆದ ಮೋನೆನೆ ಪೊರ್ಲು ಪೆತ್ತದ ಕಂಜಿದ ನಡಕೆನೆ ಪೊರ್ಲು ಅಜ್ಜೆರ್ ಮದಿಪುನ ಪಾತೆರ ಪೊರ್ಲು ಅಜ್ಜಿನ ಕತೆನ್ ಕೇನರೆ ಪೊರ್ಲು II ೨ | ಅಂಕ ಅಯನ ತೂಯರೆ ಪೊರ್ಲು ಮಂಕ್ ಮರ್ಲ್ದ ಗೊಬ್ಬುಲ ಪೊರ್ಲು ಮದಲ್ ಮದಿಮಯ ಸಿಂಗಾರ ಪೊರ್ಲು ಕಡಲ್ ಏರ್ತೆನ್ ತೂಯರೆ ಪೊರ್ಲು || ೩ | ಸಾಲ್ ಪಕ್ಕಿಲು ರಾಪಿನ ಪೊರ್ಲು ಸಾರ ಬೊಳ್ಳಿಲು ಮನ್ನುನ ಪೊರ್ಲು ಪಾಡ್ಡನ ಕಬಿತೆದ ಉರಲ್ನೇ ಪೊರ್ಲು ಆಟದ ಕಳೆಂಜನ ನಲಿಕೆನೆ ಪೋರ್ಲು || ೪ || ಕೊಡಿ ಇರೆ ಪಾಡ್ದ್ ಉಣ್ಣಿನ ಪೊರ್ಲು ಮಡಿಕುಂಟು ತುತ್ತುದು ಪೋಪಿನ ಪೊರ್ಲು ಕಡೆಮುಟ್ಟ ಉಂತುದು ತೂಪಿನ ಪೊರ್ಲು ಕುಡರಿ ರಾಮನ ನಾಡ್ದ ಪೊರ್ಲು || ೫ | ನೆಯಿ-ಪೇರ್ /39
