ಈ ಪುಟೊದ ಪರಿಶೀಲನೆ ಆತ್ಂಡ್
ಅಪ್ಪೆ ಇಲ್ಲ್
ಆತ್ರಾಡಿ ಅಮೃತಾ ಶೆಟ್ಟಿ
ಪೊರ್ಲ್ ಬಂಗಾರ ತೆಗ್ಲ್ ನಾಡ್
ನಲಿಪು ಸುದೆ ಕೈದೆಯಿಕ್ಲೆ ಕಲಡ್
ಉಂದು ಯಾನ್ ಪುಟುದು ಬಲತ್ತಿ
ಎನ್ನ ತುಲುವ ನಾಡ್ಯೆ
ಒಯಿಪು ಉರೊಲು ಪನ್ನಿ ಪಾಡ್ಡನ
ಮುಗೆಪು ಬಿಗರ್ ಕಂಟ್ ಕಮ್ಮೆನ
ಅಂಚಿ ಇಂಚಿ ಒಂಚಿ ತೂಂಡಲ
ಪೊರ್ಲು ಪೊರೇ ಪೊರ್ಲ್ ಯೆ
ನಾಲ್ ಮೆಯಿಟಿಪ್ಪು ಪರಪು ಪನಿಪು
ಮೋಕೆ ದಿಂಜಾವು ಪೊರ್ ಪಾರುಲು
ತೂಪಿ ಜನಮಾನಿ ಅಚ್ಚಿರೊಡುಂತುದು
ಮರ್ಲೆ ಆಪೆರ್ ಮೂಲುಯೆ
ಕದ್ರಿ ಕುಡುಪು ಪೊರ್ಲ ಪೊಳಲಿ
ಬಪ್ಪ ಬ್ಯಾರಿನ ಬಪ್ಪನಾಡ್
ಏಳ್ ಕಡಲಾ ಆಪೆಟುಂಡು
ಎಂಕೆ ಮಲ್ಲಾ ಪೊಬುಯೆ
ನಡ್ಯೊಡುಲ್ಲೆ ಗೊಲ್ಲ ಕಿಷ್ಣೆ
ತೆನ್ನಾಯಿದ ಮಂಜುನಾಥೆ
ಅಪ್ಪೆ ದೇವಿ ಕಟಿಲ್ ಮಾತೆ
ಕೊರ್ಪೊಲೆಂಕ್ಲೆಗ್ ಅಭಯೊನು
ರಾಣಿ ಅಬ್ಬಕ್ಕೆ ಶಿಲ್ಪಿ ಕಲ್ಕುಡೆ
ಅಕ್ಕಸದುದ್ದದ ಗೊಮ್ಮಟೆ
ಕಣ್ಣ್ ನಲಿಪು ಮನಸ್ಸ್ ತೆಲಿಪುಂಡು
ಉಂದೆನ್ ಮಾತಾ ತೂನಗ
ಕಿಲ್ಲೆ ಕಾರ್ನಾಡ್ ಮಲ್ಯೆ ಪನಿಯಾಡಿ
ರಾಷ್ಟ್ರಕವಿ ಪೈಕುಲು
ನೆಯಿ-ಪೇರ್ /35
