ಕೋಪೆಡ್ ಭಾವಗೀತೆಲು, ಬೊಕ್ಕ ಐನ್ನೇ ಕೋಪೆಡ್ ಕೆಲವು ಕಥನ ಕಬಿತೆಲು.
ಅಂಚಾದ್ ನೆಯಿ-ಪೇರ್ ಐನ್ ಕೋಪೆ ಕಬಿತೆಲೆನ ಒಂಜಿ ಗೊಂಚಿಲ್.
ಹಿರಿಯ ಕವಿಕುಲಾಯಿನ ಕೈಯ್ಯಾರ್, ಪುಣಿಂಚತ್ತಾಯೆರ್, ಏರ್ಯ, ಅಮೃತೆರ್, ಸುನೀತಾ ಶೆಟ್ಟಿ ಮುಕುಲೆಡ್ದ್ ಸುರುಮಂತ್ದ್ ಇತ್ತೆ ಇನಿ ಬರೆವೊಂದುಪ್ಪುನ ಜವನೆರ್ನ ಕಬಿತೆಲೆನ್ ನೆಟ್ಟ್ ಸೇರಯೆರೆ ಪ್ರಯತ್ನ
ಮಲ್ತ್ದ್ಂಡ್. ಕೆಲವೆರ್ನ ಕಬಿತೆಲ್ ಸಕಾಲಗೊ ತಿಕ್ಕಂದೆ ಪೋಯ್ನೆಡ್
ದಾದ್ ಸೇರ್ಸಾಯಿರೆ ಸಾಧ್ಯ ಆವಂದೆ ಇಪ್ಪು.ಆಂಡಲಾ ದಿಂಜ ಕಬಿಕುಲ್ನಕುಲು ಪತ್ರಿಕೆದ ಪ್ರಕಟಣೆ ತೂದು ಕಬಿತೆಲೆನ್ ಕೊರ್ದು ಕಡುಪುಡೆದೆರ್. ಅಕುಲೆಗ್ ಪೂರಾ ಅಕಾಡೆಮಿದ ಪುದರ್ಡ್ ಉಡಲ್ ದಿಂಜಿನ ಸೊಲ್ಮೆಲೆನ್ ಸದಾವೊಂದುಲ್ಲೆ.ಈತ್ನೆಟಗ್ ಈತ್ ಮಲ್ಲ ಕಬಿತೆದ ಗೊಂಚಿಲ್ ಪ್ರಕಟ ಆತ್ಜಿಂದ್ ಎನ್ನ ಅಭಿಪ್ರಾಯ. ಈ
ಗೊಂಚಿಲ್ ಅಚ್ಚಿಗ್ ಬರೊಡಾಂಡ ಎಡ್ಡೆ ಪುನೆಯಿನಾರ್ ಶ್ರೀ ಭಾಸ್ಕರ ರೈಕುಕ್ಕುವಳ್ಳಿ. ಕುಕ್ಕುವಳ್ಳಿದಾರ್ ಸಾಹಿತ್ಯ, ಕಲೆ, ಯಕ್ಷಗಾನ, ಮಾಧ್ಯಮ - ಇಂಚ ಬೇತೆ ಬೇತೆ ಕಲಟ್ ಬೆಂದೊಂದ್ ಇಪ್ಪಿನೆಡ್ಡಾದ್ ಆರೆಗೆ ಕವಿ-ಸಾಹಿತಿಲೆನ ಪರಿಚಯ ಹೆಚ್ಚ. ಕಬಿತೆ ಆಯ್ಕೆ ಮಲ್ಗೊಡುಂದ್ ಆಂಡ ಕಬಿತೆದ ಉಲಮರ್ಮ ಗೊತ್ತು ಬೋಡು. ಸ್ವತಃ ಕವಿ ಆಯಿನೆಡ್ದಾದ್ ಆರೆಗ್ ಈ ಬಗೆತ ಪೊಲಬು ಉಂಡು. ಈ ಗೊಂಚಿಲ್ ಮಾತ ತುಳುವೆರೆನ ಪುಗರ್ತೆಗ್ ಈಡಾವು ಪಂಡ್ದ್ ಎನ್ನ ನಂಬಿಕೆ. ಕಬಿತೆಲೆನ್ ಸಂಪಲ್ತ್ ದ್
ಕೊರ್ನ ಕುಕ್ಕುವಳ್ಳಿದಾರೆಗ್ ಸೊಲ್ಮೆಲ್. ಕಬಿತೆಲೆನ್ ಮುಡೆಡ್ ಅಚ್ಚಿಗಾದ್ ಕಡಪುಡ್ಡು ಕೊರ್ನ ಮಾತ ಕವಿಕುಲೆಗ್ ಉಡಲ್ ದಿಂಜಿ ಸೊಲ್ಮೆಲ್. ಈ ಬೂಕುನು ಪೊರ್ಲು ಪೊಲಿಗೆಡ್ ಅಚ್ಚಿ ಮಲ್ತ್ ಕೊರ್ನ ಕುಡಲದ ಆಕೃತಿ ಪ್ರಿಂಟ್ಸ್ದ ಶ್ರೀ ಕಲ್ಲೂರ್ ನಾಗೇಶ್ ಬೊಕ್ಕೊ ಕೂಟದಕುಲೆಗ್ ಸೊಲ್ಮೆಲ್.
28-11-09
