ತುಳು ಅಪ್ಪೆ ಭಾರತಾಂಬೆ
ಲಕ್ಷ್ಮೀ.ಕೆ. ಹೇಡಿಮೆ, ಬಡಕೋಡಿ
ಬರೆವೊಡು - ಬರೆವೊಡು ಎನ್ನೊಂದು ಬನ್ನಗಾ
ಬರೆವರ ತೆರಿಯಂದೆ ಪೊಂಡು ಕವನ
ಕವನ ಪನ್ನಿನ ಮೂಜಿ ಅಕ್ಷರೊಗು
ತಿಕ್ಕಂದೆ ಪೊಂಡು ಪದಕ್ಲನಾ ಸಾಲ್
ಅಂಚಿಂಚಿ ತೂನಾಗ ನೆನಪಾದೆ ಪೊಂಡು
ತುಳುನಾಡ ಅಪ್ಪೆ ಭಾರತ ಮಾತೆ || ೨ ಸಲ ||
ಲೋಕೊನೆ ಕಾಪಿನ ಭಾರತ ಮಾತೆಗ್
ಸಾರ ಜನ ಜೀವ ತ್ಯಾಗಿಲು
ಸ್ವಾತಂತ್ರ್ಯಗಾದೆ ಮಲ್ ರ್ ಜೀವೊನು
ತ್ಯಾಗ ಪನ್ನಿನ ಒಂಜೆ ಶಬ್ಫಗ್ II ೨ ಸಲ |
ಜಾತಿ-ಬೇದ, ಬಡವೆ-ಶ್ರೀಮಂತೆ
ಪನ್ನಿನ ಪಾತೆರ ಬೊರ್ಚಿ ಈ ನಾಡ್ಡ್
ಹಿಂದೂ-ಬ್ಯಾರಿ-ಕ್ರಿಶ್ಚನ್ ಪನ್ಪ್ ನ
ಮತ ಪಂಥೊಲು ಬೊರ್ಚಿ ಈ ದೇಶೂಡು || ೨ ಸಲ |
ತೋಡುದ ನೀರ್ ಪರತೊಂದು ಪೋದು
ಸೇರುಂಡು ಎಲ್ಯ ಆ ಸುದೆಕ್ಕೆ
ಸುದೆನಿ ಪರತ್ ಕಡಲಾದ್ ತೋಜಿನಾಗ
ಸುಗಿಪುಗ ಮಾತೆ ಭಾರತಾಂಬೆನ್ ||೨ ಸಲ||
ಪಚ್ಚೆ ಪಜಿರ್ನ್ ಸೀರೆಂದ್ ಎನ್ದ್
ತುತ್ತಾಗ ಅಪ್ಪೆ ಭಾರತಾಂಬೆಗ್
ದೈಯಿನೆ ನರ್ದ್ ಕಾಡಾದ್ ಬುಲೆಪಗ
ತುಳುನಾಡ್ ಸ್ವರ್ಗದಾತ್ ಪೊರ್ಲು ತೋಜಡ್ || ೨ಸಲ ||
ಕತ್ತಿ-ಕಲ್ಲ್ ದೊನ್ನೆಡೆ ಹಾಕೊನಡೆ
ಒಂಜಪ್ಫ ಬಾಲೆದ ಲೆಕ ಬದ್ಕ್ಗ್
ಅಪ್ಪೆಗಾದ್ ತ್ಯಾಗ ಮಲ್ಲಿನ ವೀರೆರೆನ್ ನೆನೆತೊಂದು
ಜೈ ಭಾರತಾಂಬೆ ಪನ್ಪನ್ ಘೋಷಣೆ ಪಾಡ್ಗ || ೨ ಸಲ ||
ನೆಯಿ-ಪೇರ್ /34
