ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಇಂಡಿಯೊದಕುಲು ಬಿರ್ಸೆರಾತೆ ಸ್ವತಂತ್ರೋ ಕೊರಂದೆ ಬುಡಯೆರ್ಯೇ ಶಾಂತಿದ ತೂಟೆಡ್ ಗಿಡ್ಡೆಯೇ || ಅಂಚ ಒಂಜಿದಿನ ಯೋಚನೆ ಮಲ್ತ ಸ್ವತಂತ್ರ ಗೋಷಣೆ ಮಲ್ಲೆರ್ ಯೆ ಹಿಂದುಸ್ಥಾನೊಡು ಸ್ವತಂತ್ರೋದಾ ಪೊಸ ನಂದಾದೀಪೊಲ ಬೆಲಗ್ಂಡ್ಯೇ ಜನೊಕುಲು ಜೈ ಜೈ ಪಾಡ್ಯರ್ಯೇ || ಕೇಸರಿ ಬೊಲುದು ಪಚ್ಚೆ ಪತಾಕೆ ದಿಲ್ಲಿದ ಕೋಟೆಡ್ ಏಂಡ್ಯೇ ಇಂಗ್ಲೀಷರೆನ ಆಳ್ವಿಕೆ ಕಲೆದ್ ಆಳ್ವಿಕೆ ನಮ್ಮೊನೆ ಸುರಾಂಡ್ಯೇ ಭಾರತೊ ಸ್ವತಂತ್ರೋ ಪಡೆಯಿಂಡ್ಯೇ || ಕಾಲ ಚಕ್ರೋಡು ದಿನ ಮಗುರೋಂದು ವರ್ಸೊಲು ಪಾಕ ಕರಿಯಿಂಡ್ಯೇ ದುಂಬುದ ಕೈಪೆ ತೀಪೆದ ನೆಂಪುನು ಓದುದು ಕೇಂಡ್ದ್ ತೆರಿವೊಡುಯೇ ತಿಕ್ಕಿನ ಸ್ವತಂತ್ರೋ ಒರಿಪೊಡುಯೇ || ಜಾತಿ ಬಾಸೆ ಅವು ಸಾರ ಆಂಡಲ ಹಿತೊ ನಮೊ ದೇಸೊದ ಎನ್ನೊಡುಯೇ ನಂಜಿ ಮಚ್ಚರ ಧರ್ಮೊ ವೈರೊನು ದಿಂಗ್ ನೀರ್ ಮಲ್ಲೊಡುಯೇ ಒಗ್ಗಟ್ಸ್ಡ್ ನಮೊ ಉಪೊಡುಯೇ || Bar-co/31
