ಈ ಪುಟೊದ ಪರಿಶೀಲನೆ ಆತ್ಂಡ್
ಅಮ್ಮ ಇರೆನ ಕಾರ ಮುದೆಲ್ಗೇನ್ ಬತ್ತೆ
• ಭಾಸ್ಕರ ರೈ ಕುಕ್ಕುವಳ್ಳಿ
ಅಮ್ಮ ಇರೆನ ಕಾರ ಮುದೆಲ್ಗೇನ್ ಬತ್ತೆನೇ
ಜನ್ಮ ಪೂರ ಕಾತ್ಕುಲೈ ಇರೆನ್ ತೂಯರೇ ||
ಲೋಕೊ ಲೋಕೊಡೀರೆ ಪುಗರ್ತೆ ಯಾನ್ ಕೇಂಡನೇ
ನಾಕನಿಲೆನೆ ಇರೆನ ಪಾದ ಪತ್ತೆ ಬುಳಿಪ್ಪುವೇ ॥ ಅಮ್ಮ || ೧ ||
ಆನಂದೊದ ಮೂರ್ತಿ ಈರ್ ಅಮುರ್ತೊದ ಒಸರ್ ಅಮ್ಮ
ದಾನೆ ದಾದ ಪನ್ಸಿ ಕಲ್ಪ್ ಎಂಕ್ ನನಲ ತೆರಿಯಂದಮ್ಮ | |
ಶಾಂತಿ ಧಾಮೊ ಇರೆನ ಒಡಲ್ ಪ್ರೀತಿಡೆನನ್ ತರ್ಕ್ಲೆ
ನೀತಿ-ನಿಯಮೊ ಕಲ್ಪಾದೆಂಕ್ ಮುಕ್ತಿ ಸಾದಿ ತೋಜಾಲೆ || ಅಮ್ಮ || ೨ ||
ಏನಿಗಾಂಡಲೆಂಕ್ ಕೃಷ್ಣ ಭಕ್ತಿ ಭಾವ ಮೂಡೊಡು
ಹಾನಿ ದಾಂತಿ ಧ್ಯಾನ ಮಾರ್ಗ ಅಪ್ಪೆ ಜಕ್ಕೆಲ್ ದಿಂಜೊಡು ||
ಭಕ್ತಿಡೇನ್ ಸುಗಿತ್ದಾಂಡ್ ವರೊನು ಕೊರ್ಲೆ ದೇವಿಯೆ
ಶಕ್ತಿ ರೂಪ ತೋಜಾದೆಂಕ್ ಜಯೊ ನೀಡ್ಲೆ ಮಾಮಯೆ || ಅಮ್ಮ || ೩ ||
ಮಾತೆ ಅಮೃತಾನಂದಮಯಿಯೆ ದಿವ್ಯ ರೂಪತೊಯೇನೆ
ಜಾತಿ ಧರ್ಮ ಪನ್ಪಿ ವಿಷೊನು ಕಡಪರಾಜ್ಯ ದೀಯರೇ ||
ಕೋಡೆ ಇನಿ ಎಲ್ಲೆ ಇಂಚ ಮನಸ್ ಪೂರ ಈರೆ ಅಮ್ಮ
ಓಡೆ ಪೋಂಡ ದಾನೆ ಇರೆನ ದಯೊಟೆ ಮಾತ ನಡಪೊಡಮ್ಮ || ಆಮ್ಮ ||೪||
