ಈ ಪುಟೊನು ಪ್ರಕಟಿಸದ್ ಆಂಡ್
ಗುರ್ಕಾದ್ರೆನ ಮದಿಪು
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ 'ನೆಯಿ-ಪೇರ್' ಕಬಿತೆಲೆನ ಗೊಂಚಿಲೆನ್ ಬೊಲುಗು ಕೊನೆಯೆರೆ ಸಂತೋಸು ಪಡೆವೊಂದುಂಡು, ತುಳುಟು ಪ್ರಕಟವಾಯಿನ ಸಾಹಿತ್ಯ ಪ್ರಕಾರೊಳೆಡ್ ಕಬಿತೆನೆ ದಿಂಜ.ದಿಂಜ ಕವಿಕುಲು ಕಬಿತೆದ ಗೊಂಚಿಲ್ನ್ ಅಚ್ಚಿ ಮಲ್ದಾದರ್. ಪ್ರೊ. ಕೃಷ್ಣಾನಂದ ಹೆಗ್ಗಡೆ ಸಂಪಲತ್ನನ ಕೋಪೆ ಬಸ್ತ್ಂಡ್; ಡಾ. ವಸಂತ ಕುಮಾರ್ ಪೆರ್ಲದಾರೆನ ಕೋಪೆ ಬತ್ತಂಡ್. ತುಳು ಸಾಹಿತ್ಯ ಪರಿಷತ್ ಅಧ್ಯಕ್ಷರಾದಿತ್ತಿನ ಮಂಜುನಾಥೆರ್ ಒಂಜಿ ಕೋಪೆ ಕಬಿತೆಲೆನ್ ಬುಡುಗಡೆ ಮಲತೆರ್. ತುಳು ಸಾಹಿತ್ಯ ಅಕಾಡೆಮಿಲಾ ಸ್ವಾತಂತ್ರದ 50ನೇ ವರ್ಷದ ನೆಂಪುಗಾದ್ ಬಂಗಾರ್ ಪರ್ಬದ ಕಬಿತೆಲು ಪನ್ಸಿ ಪುದರ್ಡ್ ಬೂಕು ಬುಡುಗಡೆ ಮಲ್ತಂಡ್. ಆತೇ ಅತ್ತೆ ವೈಯಕ್ತಿಕವಾದ್ ಕೆಲೆವರ್ ತನ್ನುಲೆನ ಕಬಿತೆಲೆನ್ ಬೂಕ್ ಒರುಟು ಬುಡುಗಡೆ ಮಲ್ಲೊಂದೆ ಉಲ್ಲೆರ್. ಇಂಚ ತುಳುತ ಕಬಿತೆದ ಕಳಟ್ ಬುಳೆ ಹೆಚ್ಚೆಂದೆ ಉಂಡು.
ಇತ್ತೆ 'ನೆಯಿ-ಪೇರ್' ಪನ್ನಿ ಪುದರ್ಡ್ ತುಳು ಕಬಿತೆಲೆನ ಪ್ರಕಟಣೆಗಾದ್ ಅಕಾಡೆಮಿ ದುಂಬು ಬದ್ಂಡ್. ಅಕಾಡೆಮಿದ ಸದಸ್ಯೆ, ಕವಿ, ವಿದ್ವಾಂಸೆ, ಪ್ರಾಧ್ಯಾಪಕೆ ಶ್ರೀ ಭಾಸ್ಕರ ರೈ ಕುಕ್ಕುವಳ್ಳಿ ಮೇರ್ ಈ ಗೊಂಚಿಲ್ನ್ ಸಂಪದ, ಪತ್ರಿಕಾ ಪ್ರಕಟಣೆ ಕೊರುದ್ ಬತ್ತಿನಂಚಿನ ಕಬಿತೆಲು, ಬೊಕ್ಕ ಓಲೆ ಕಡುಪುಡ್ಡು ತಾಯಿನ ಕಬಿತೆಲ್ ಮಾತೆಲ್ಲಾ ಒಟ್ಟು ಸೇರ್ಸಾದ್ ಅಜೆಕಲ ಮಲ್ತ್ದ್ ಪೆಜಿ ದೆತ್ ಕಬಿತೆಲೆನ್ ಈ ಗೊಂಚಿಲ್ಡ್ ಸೇರ್ಸಾದರ್ .
ಈ ಗೊಂಚಿಲ್ಡ್ ಐನ್ ಕೋಪೆ ಕಬಿತೆಲುಲ್ಲ, ಒಂಜಿ ಕೋಪೆಡ್ ದೈವ ದೇವೆರೆನ ಸುಗಿಪುದ ಕಬಿತೆಲು... ರಡ್ಡೆನೆ ಕೋಪೆಡ್ ನಾಡ್ನುಡಿ, ದೇಶಭಕ್ತಿ, ಸಂಸ್ಕೃತಿದ ಕಬಿತೆಲು, ಮೂಜನೇ ಪರ್ಬ-ಲೇಸ್ಲ್, ನಾಲನೇ
