ಈ ಪುಟೊದ ಪರಿಶೀಲನೆ ಆತ್ಂಡ್
ಸುರುತ ಪೂಜೆನ್ ಪಡೆಪ
• ಮಲಾರ್ ಜಯರಾಮ್ ರೈ
ಸುರುತ ಪೂಜೆನ್ ಈ ಪಡೆಪ |
ಆನೆ ಮೋನೆದ ಓ ಗಣಪ |
ದುಂಬಿನಾನಿ ಅಪ್ಪೆ ಗೌರಿನಾ ಪರ್ಬೊ ||
ಪೂಜೆ ಸುಗಿತೊಗು ಈ ಏತ್ ಸುಲಬೊ
ಒಂಜಿ ತಾರಾಯಿಡೇ ಈ ನಿಲೆಯಾದ್ ಬರ್ಪೊ |
ಗುಡಿ, ಗುಡಾರೊಲು ನಿಕ್ಕ್ ಬೋಡುಂದಿಜ್ಜಿ|
ಸುದ್ದ ಮನಸ್ಸಡ್ ಗಣಪತಿಗೊಂಜಿ |
ತಾರಾಯಿ ದೀಂಡ ಯಾರು ಮಲ್ಲೆಜ್ಜಿ ||
ಆನೆ ಪೋಯಿನವೇ ಸಾದಿ ಕಾಡ್ಡ್ |
ಆನೆ ಮೋನೆದ ಈಯೇ ಸಾದಿ ತೋಜಾವೊಡು |
ಅಪ್ಪೆ ಪಾತೆರೊಗಾದ್
ಅಮ್ಮೆರೆಗ್ ಎದುರುಂತಿ ಧೀರೆ |
ಅಪ್ಪೆ ಅಮ್ಮೆರೇ ಮಾತೆಡ್ದ್
ಮಲ್ಲೆಂದ್ ತೋಜಾಯಿ ದೇವರೇ ।।
ಮಾತ ವಿಡ್ಡೂರೆಲೆನ್ ತಲೆಪಿ ಗಣಪೆ |
ಆತಂಕೊಲೆನ್ ಪೂರಾ ಕಲೇಪೆ ||
ಗಣಪನೇಪೊಲಾ ಯಾನ್ ನೆನೆಪೆ |
ಅರ್ತಿ, ಪಿರ್ತಿಡ್ ಆಯೆ ಎನನೊರ ತೂಪೆ !!
ನೆಯಿ-ಪೇರ್ /24
