ಈ ಪುಟೊದ ಪರಿಶೀಲನೆ ಆತ್ಂಡ್
ಕರುಣೆನ್ ತೋಜಾಲ...(ಪೆರತನ)
• ಹರೀಶ ಶೆಟ್ಟಿಸೂಡ
ತುಳುವಪ್ಪೇ...! ಈ ಓಲ್ಲಾ... ಕರುಣೆನ್ ತೋಜಾಲ
ಅನುದಿನ ನಿನ್ನ ಪಾದ ಸುಗಿತೊನುವೆ || ಪ ||
ಸಾವಿರ ಕಡಲ್ದ ಅಂಚಿಡ್ ಉಲ್ಲೇನ್
ಪಾರ್ ಬತ್ತ್ದ್ ಎನನೀದೆರ್ತ್ ಪತ್ತ್ || ಅ.ಪ. ||
ಕಪ್ಪು ಮುಗಲ್ ದಿಂಜಿದುಂಡು
ಉರಿತ ಕಿಡಿಯೊಂಜಿ ಮೆನ್ಕಂದೆ ಪೋಂಡಪ್ಪೇ...
ಕಡಲ ಬಿರುಗಾಳಿ ಮಲೆಕ್ ಬೀಜುಂಡೂ...
ಕಡೆಕೊಡಿಯೆಂಕ್ ತೋಜಂದ್...
ಎದ್ಯುನ ಗಾಳಿಗ್ ತುಡರೊಂಜಿ ತೆಕ್ಕೂಂಡೇ... || ಅಪ್ಪೆ ||
ಎನ್ನ ಬಾಳ್ ಎಣ್ಣೆದಾಂತಿ
ನಿಜೊ ತುಡರಾದ್ ಅರ್ಲ್ಂದೆ ಪೋಂಡಪ್ಪೇ...
ತರೆನ್ ತಗ್ಗಾದ್ ಕೈನ್ ಮುಗ್ಯುವೆ...
ನಿನ್ನೊ ಅಭಯೊದ ಕೈನ್ ಕೊರು...
ಇನೆದಾಂತಿನ ಪಕ್ಕಿ ಯಾನಾತೆ ಕೇಣ್ || ತುಳು ||
ನೆಯಿ-ಪೇರ್/23
