ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಸೂತ್ರಧಾರಿ ಕೋಡು ಭೋಜ ಶೆಟ್ಟಿ ಓ ವಿಶ್ವ ವಿನ್ಯಾಸ ನಿಲೆ ಸಿಲೆತ ರೇಖೆಲೆನ್ ಕೈಪೂಜಿಸೊರಿಪಾದಿ ದೇವಾದಿದೇವ ಓ ಜೀವಿ ಜೀವೊಲೆಡ್ ಉಸುಲಾದ್ ಮಾನಾದಿ ಓಂ ನಮಃ ಶರಣು - ಧರ್ಮಾಧಿ ದೇವ || - ಓ ಮಾಯಗಾರೆರೆ ಇರೆನ ಆಟೊಗು ವಿಶ್ವ ಸೂತ್ರದ ಬೊಂಬೆಯೇ ಪುಟ್ಟು ಸಾವುಗು ಲಕ್ ಜೆಪ್ಪುಗು ನಂಬುಗೆಗ್ ಇರೆ ಇಂಬುಯೇ || ಬಾನೊಡುಪ್ಪುನ ಸೂರ್ಯಚಂದ್ರೆರೆ ನಿಯಮ ನಡಕದ ಅರ್ಲುಲು ಬೊಲ್ಲಿ ಮೆನ್ನನ ಮುಗಲ ದಿಬ್ಬನ ತಡಿಲ್ಮೆಂಚಿದ ತಿರ್ಲುಲು ಗಾಲಿ ಬರ್ಸದ ಸೂತ್ತ ಸುಯಿಲ್ ಪಚ್ಚೆ ತೆಗ್ದ ಪೊರ್ಲುಲು ಜೀವಜೀವದ ಹಾವ ಭಾವೊಡು ಎಂಚ ಪೊಸ ಪೊಸ ಮರ್ಲುಲು || ಓ ಮಾಯಗಾರೆರೆ !! 11 ಇರೆನ ಭವ್ಯ ವಿರಾಟ ಶಕ್ತಿನ್ ನೆನೆತ್ದೆಂಕುಲು ಸುಗಿಪುವ ಇರೆನ ನಿಯತ್ನ್ ಇರೆನ ಬಲಿಮೆನ್ ಇರೆನ ಕಾರ್ನಿಕ ನೆನೆಪುವ ಎನ್ನ ಪನ್ನಿನ ಮದತ್ದೆಂಕುಲು ಇರನ ಸೂತ್ತೊಡು ನಡಪುವ ಮೌನದುಲಯಿದ ಒರಲ್ ಓಂ ಓಂ ಸಂಭ್ರಮೊನು ಕೊಂಡಾಡುವ II ಓ ಮಾಯಗಾರೆರೆ II ನೆಯಿ-ಪೇರ್ /21
