ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಓಲು ತೂಂಡಲಾ ದೇವರೆ • ಡಾ| ಮೀನಾಕ್ಷಿ ರಾಮಚಂದ್ರ ದೇವ ಓಲುಂದು ನಾಡೊಂದು ಪೋವಡೆ ಮನಸ್ಸದ ಕಣ್ಣಿನ್ ಬುಲಾದೊರ ತೂಲೆ... || ತುಳುನಾಡ ಪಯಿ ಪಜಿರ್ಡ್ ಪೂರ ದೇವರೆ ಓಲೋಲು ತೂಂಡಲ ಮೈಮೆಡ್ ಕುಲ್ಲೆರೆ... | ಪಿರಿಪಿರಿ ಪನಿಪುನ ಬರ್ಸೊದ ಪನಿಟ್ ಕಲೊಕಲೊ ಪರಪಿನ ಸುದೆತಾ ಸೊರೊಟು ಬೆರಿಬೆರಿ ಬರ್ಪಿನ ಕಡಲ್ ತಿರೆಟ್ ತೆಲಿತೊಂದೆ ಅರಲುನ ಮುಗುರುದ ಇಡೆಟ್... ಉಂತಾಂದೆ ಬೊಟ್ಟುನ ತಿಗಲೆದ ಶ್ರುತಿಟ್ ಆಜಂದೆ ಬಲಿಪುನ ನೆತ್ತೆರನರೊಟು ಕಂತಾಂದಿ ಬೊಲ್ದುದ ಕಣ್ಣೆದ ಕೊಡಿಟ್ ಆಸಲು ದಿಂಜಿನ ಬದ್ಕ್ ಕನಟ್... ಮಿರೆಪರ್ಷಿ ಬಾಲೆದಾ ತೆಲಿಕೆದ ದುಡಿಟ್ ಕನದಿಂಜಿ ಪೊಣ್ಣನ ಕಣ್ಣಿದಾ ಕೊಡಿಟ್ ಬದ್ಕೆರೆ ಪುಣೆಯುನ ಜನಕುಲೆ ನಡುಟು... ನಿರಿನಿರಿ ಪತ್ತಿನ ಪರಬೆರೆ ಮೈಟ್.... ಮೂಡಾಯಿ ಮೋನದ ದೇವರ ಗುಡಿಟ್ ಪಡ್ಡಾಯಿ ಗುಂಡದ ಪದ ಕೊಡಿಟ್.... ಚರ್ಚ್ಡ್ ತೂಂಕುನ ಶಿಲುಬೆದಾ ನಡುಟು.. ಧ್ಯಾನೊಡು ಕುಲ್ಲಿನ ಬಸದಿದಾ ಇಡೆಟ್... ನೆಯಿ-ಪೇರ್ /19
