ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಅಪ್ಪೆಗ್ ಶರಣು ಜಗದಾದಿ ನಿಜಶಕ್ತಿ ಮೂಜಿ ಲೋಕದಪ್ಪನೇ... ಇರೆನ ಒಂಜಿ ಕರುಣೆಗಾದ್ ಯನ್ನ ನಿತ್ಯ ಪ್ರಾರ್ಥನೇ... ಯುಗಯುಗತ ಪಿರವುಡಿಂಚಿ ಬಗೆ ಬಗೆತ ಮಾರ್ಗೋಡು ತಿಗಲೆ ಮರೆತ್ ಬತ್ತಿನಂಚಿ ರಕ್ಕಸರೆ ನಾಶ ಮಲ್ತದ್... ಪಗೆಲ್ ರಾತ್ರಿ ಭೇದ ದಾಂತೆ ಭಕುತೆರೆನ್ ಕಾಪಿನಾರ್ ಇರೆಗ್ ಸರಿ ಏರಾಂಡಲ, ಓಲಾಂಡಲ ಇಪ್ಪೆರೆಗ್ ಸಾಧ್ಯನೇ...? ಇರೆನ ದಯತ ದಿವ್ಯಜ್ಯೋತಿ ಈರ್ ಮಾತ್ರನೇ... ಇರೆನ ಶಕ್ತಿ ವಿಶ್ವಗಾತ್ರ ತೆರಿಯೊಂಜಿಡ ಬವಣೆ ಮಾತ್ರ ದುರುಳ ಬುದ್ದಿ ತಡೆಪುಲೆ... ದುರಿತ, ದುಃಖ ಮದಪಲೇ... ಶರಣು ಶರಣು ಅಪ್ಪೆನೇ... ನಿತ್ಯ ಇರೆನ ಪ್ರಾರ್ಥನೇ... 02-06/15 ಇಂದಿರಾ ಹಾಲಂಬಿ
