ಈ ಪುಟೊನು ಪ್ರಕಟಿಸದ್ ಆಂಡ್
ಆದಿದ ಓಂಕಾರ
• ಏರ್ಯ ಲಕ್ಷ್ಮೀನಾರಾಯಣ ಆಳ್ವ
ತಾರೆ ಸೊಂಡಿಲ್ ತಡ್ಪೆ ಕೆಬಿತಾ
ಎಲ್ಯ ಕಣ್ಣ್ದ ದೇವೆರೆ
ತುಂಡು ದಾಡೆದ ಮಂಡೆ ಬಂಜಿದ
ಎಲಿಯೆ ತೇರ್ದ ಉಲ್ಲಾಯ
ದುಂಡು ಬಂಜಿಗ್ ಮರಿನ್ ಸುತ್ತಿನ
ಮಲ್ಲ ಮನಸ್ದ ಸ್ವಾಮಿಯೆ
ಅಪ್ಪೆ ಪುಟ್ಟಾದ್ ಅಮ್ಮೆ ಕೆರ್ತಿನ
ಆನೆ ಮೋನೆದ ಸ್ವಾಮಿಯೇ
ಅಪ್ಪೆ ಪಾರ್ವತಿ ಅಮ್ಮೆ ಶಂಕರೆ
ಸಾರ ಸಾವಿರ ದೇವೆರ್
ಏರೆಗಾವಡ್ ಪೂಜೆ ನಡಪೆರೆ
ದುಂಬು ಇರೆನೇ ಸುಗಿಪೊಡು
ಇರೆನ ಅರ್ಚನೆ ಮಲ್ತಿಬೊಕ್ಕನೆ
ಅಕ್ಲೆ ಪೂಜೆಲು ನಡಪೊಡು
ಬೇನೆ ಬೇಸರೊಡೀರೆ ಸಾರಥಿ
ಆನೆ ಮೋನೆದ ದೇವೆರೆ
ಕಪಟ ದಾಂತೆನ ಬಾಲೆ ಮನಸ್ದ
ಇರೆನ ಪುರಪೇ ಮಲ್ಲವು
ಏಳ್ ಕಡಲ್ನ್ ಕಡತ್ ಪೋಯಿನ
ಮಲ್ಲ ಸಾಹಸದುಲ್ಲಯೆ
ಇರೆಗ್ ಈರೇ ಸಾಟಿ ಸ್ವಾಮಿಯೆ
ಇರೆನ ಪಾದೊಗು ಮುಗಿತೊಂದೆ
ಈರೆ ಆದಿದ ರೂಪ ಓಂಕಾರ
ಇರೆನ್ ಗಣಪತಿ ಸುಗಿತೊಂದೆ
ನೆಯಿ-ಪೇರ್ /10
