ವಿಶ್ವ ತುಳು ಸಮ್ಮೇಳನ
ವಿಶ್ವ ತುಳು ಸಮ್ಮೇಳನಾ
ವಿಶ್ವ ತುಳು ಸಮ್ಮೇಳನಾ
ಪರಸಿರಿ ಪರಪೋಕು ಒರಿಪುನ ಸಮ್ಮೇಳನಾ
ಪರವೂರು ಪರಜನ ನಿರೆಪುನ ಸಮ್ಮೇಳನಾ || ವಿಶ್ವ ||
ಡೆನ್ನಾನ ಡೆನ್ನಾನ ಡೆನ್ನಾನ ಡೆನ್ನಾನ
ಪೊಲಿ ಪೊಲಿ ಪೊಲಿ ಪೊಲಿ ಪೊಲಿ ಪೊಲಿಯೋ.......
ಜಾತಿ ಧರ್ಮೊದ ಕಟ್ಸ್ ಕಡಿಪುನ ಸಮ್ಮೇಳನ
ಬೇಧ ನೀತಿದ ಗೋಡೆ ಜರಿಪುನ ಸಮ್ಮೇಳನ
ಭಾಷೆ ಬಾಮೊಗು ವೇಷ ನೇಮೊಗು
ದೇಶ ದೇಶ್ಗು ತುಳುಸಿರಿ ನೆಗಪುನ ಸಮ್ಮೇಳನಾ |
ಸಮ್ಮೇಳನಾ ಸಮ್ಮೇಳನಾ...... || ವಿಶ್ವ ||
ಬಾಸೆದ ನಿಲೆಬಿಲೆ ಕೇನ್ಲೆ | ಗಾದೆ ಕಸುಬು ತೂಲೆ ಬಲೆ
ಊರಗೊಬ್ಬು ಕಡಲಪರ್ಬ | ತುಳುನಾಡ ತಿನಸಲ್
ಪುಲಮರ್ದ್ ತುತ್ತೈತ ಧರ್ಮ ಸಂಸ್ಕೃತಿ
ಬೆನ್ನಿ ಬೇಲೆ ಬೇರಸಾರ ಮಣ್ಣಿದ ಕುಸ್ತಿ |
ಸಮ್ಮೇಳನಾ ಸಮ್ಮೇಳನಾ...... || ವಿಶ್ವ ||
ಡೆನ್ನಾನ ಡೆನ್ನಾನ ಡೆನ್ನಾನ ಡೆನ್ನಾನ
ಪೊಲಿ ಪೊಲಿ ಪೊಲಿ ಪೊಲಿ ಪೊಲಿ ಪೊಲಿಯೋ.......
ಕಾರ ಬೆದ್ರ ಒಡಿಪು ಕುಡ್ಲ ಬಂಟ್ವಾಳ ಬೊಟೇ
ಪುತ್ತೂರು ಕುಡುಮತಳ ಸುಳ್ಯ ಕಾಸೋಡುಯೇ
ನಾಟಕ ಪದೊ ನಲಿಕೆದ ನವರಸದಾಟೊಲೆನಾ......
ಅಲ್ಪಲ್ಪ ಕಜ್ಜ ಕೊಟ್ಟ ಲೇಸ್ದ ಸಿರಿ ಮಿನದನಾ ||
ಸಮ್ಮೇಳನಾ ಸಮ್ಮೇಳನಾ...... || ವಿಶ್ವ ||
ಭಾಸ್ಕರ ರೈ ಕುಕ್ಕುವಳ್ಳಿ ವಿಶ್ವ ತುಳು ಸಮ್ಮೇಳನೊದ ಪೊರ್ತುಡು ಪ್ರಚಾರೊಗು ಗಳಸ್ನ ಶೀರ್ಷಿಕೆ ಗೀತೆ.
