ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ತುಳುವೆರೆ ಬಲೀಂದ್ರೆ • ಶೀಲಾ ಕೆ. ಶೆಟ್ಟಿ ಎರ್ಮಾಳ್ ವರ್ಸೋಡ್ ವರ್ಸ ಐಸೊನು ಕನಪಿನ ಸುಖ ಸಂತೋಸುದ ದೀಪಾವಲೀ... ಭೂಮಿಡ್, ಸೊರ್ಗೊಡು ಸುಗಿತೊಂದು ಲೆಪ್ಪುನ ಬಲಿ ಚಕ್ರವರ್ತಿನ ಕಥೆ ಕೇನೊಲೀ... ರಕ್ಕಸರಾಜೆ, ವಿಷ್ಣುಭಕ್ತ ಬಲಿ, ಯಾಗದೀಕ್ಷೆನ್ ಕೈಕೊಂದು... ಬೆರ್ಮಚಾರಿನ ಬಾಲವೇಟೊಡು ಬತ್ತೆರ್ ಶ್ರೀಹರಿ ತೆಲಿತೊಂದು... ನೂದು ಯಾಗೊನು ಮಲ್ಪೆ ಮುಗಿತೆರ್ಡ ಬಲೀಂದ್ರೆ ಸೊರ್ಗದ ಪೊಸ ಇಂದ್ರೆ... ದೇವ ದೇವತೆಲು ದಿಕ್ಕ ತತ್ತೆರ್ಡ, ಮೂಜಿ ಲೋಕೊಗುಲ ನಿಜ ತೊಂದ್ರೆ... ಯಾಗ ಶಾಲೆಡ್ ಮಾಣಿ ವಾಮನನ್ ತೂದು ರಾಜೆ ತರೆ ತಗ್ಗಾಯ... ಕೇನ್ ಬಾಲೆ ಈ ದಾದ ಬೋಡು ಪನ್, ಮೋಕೆಡ್ ಕೊರೈ ಈ ಕೇನಿನ್... ಶುಕ್ರಾಚಾರ್ಯ ಕೆಲಸ ತೆಟ್ಡ್ಂಗ್ ಚೊಂಬುದ ಕೊಂಬುಗು ನೂರಿಯರ್... ದರ್ಭೆಡ್ ಎಡ್ಡೆ ಶ್ರೀಹರಿ ಕೊಂಬುಗು ಒಂಟಿ ಕಣ್ಣಾಂಡ್ ಗುರುಕುಲೆಗ್... ಮಾಣಿ ಕೇಂಡಿನ ಮೂಜಿ ಮುಟ್ಟು ನೆಲ ಕೊರಿಯ ಪಂಡ ರಾಜೆ ಬಲಿ... ರಡೇ ಪಜ್ಜೆಡ್ ಭೂಮ್ಯಾಕಾಸೊನು, ಮೂಜಿನೇ ಪಜ್ಜೆಗ್ ಜಾಗ ಇಷ್ಟೇ... ಕ್ಷಣೋಟ್ಟೆ ತೆರಿಯರ್ ಮಾಣಿ ಏರ್ಂದ್ 3 Nav-eo/207
