ದೇವರಪ್ಪ ದೇವೆರ್ - ಭಾರಿ ಮಲ್ಲ ದೇವೆರ್
ಬೆಳ್ಗುಳಡ್ ಭಾರಿ ಪೊರ್ಲುದ ಗುಮ್ಮಡ್ ದೇವೆರ್||
ಮಾಮಲ್ಲ ಮಂತ್ರಿ ಚಾಮುಂಡರಾಯೆರೆನಪ್ಪೆಗ್
ಮಲ್ಲ ಒಂಜಿ ಬಯಕೆ - ಗುಮ್ಮಡ್ ದೇವೆರೆಗ್ ತೂವರಗ್|
ಪೌದನಾಪುರೊಟ್ಟ್ - ಇತ್ತೆರ್ಗೇ ಮೂಲೊ - ಗುಮ್ಮಡೇರ್
ಆಂಡ, ಅಡೆಗ್ ಪೋಪುನ ಭಾರಿ ಕಷ್ಟೋಂದ್ ಪಂಡೇರ್ ||
ಬೊಕ್ಕೊದ ಕತೇನ್ ಕೇನ್ಲೆ, ಹಾಸನೊದ ಜಿಲ್ಲೆಡ್
ಚೆನ್ನಾಯಪಟ್ರೊದ ಕೈತಲ್ದ ಬೆಳ್ಕೊಳದ ಬೊಟ್ಟೋಡ್|
ಉಂದ್ ಸಾವಿರ-ವೊರ್ಸದ ದುಂಬುದ, ಭಾರೀ ಪ್ರಾಕ್ದ ಕತೆಯೇ
ಇಡೀ ಲೋಕೋಗೇ ಗೊತ್ತುಂಡು - ವಾ ಪೊರ್ಲುದ ಮೂರ್ತಿಯೇ
ಭಾರಿ ತಿರ್ಲ್ದ , ಭಾರಿ ಪುಣ್ಯೊದ ದೇವೆರೆನ್ಪೀ ಮಲ್ಲ ಕೀರ್ತಿಯೇ ||
ತೆನ್ಕಾಯಿ-ಬಡಕ್ಕಾಯಿ, ಮೂಡಾಯಿ-ಪಡ್ಡಾಯಿ
ಮಾಂತ ಕಡೇತ್ತ ಜನೋಕ್ಲುಲಾ ಅಡೇಗ್ ಬ|
ಏತ್ ಪೊರ್ಲುಂಡು-ಕಣ್ಣ್ ದಿಂಜಿದ್ ತೂಪೆರ್
ಕುಡ-ಕುಡಲ ತೂದ್ ಭಾರೀ ಖುಶಿ ಪಡೇಪ್ಪೆರ್ ||
ಪದಿನೆಣ್ಮೊ ಬಸ್ತಿಲೇಡ್ ಮೆರೆಪ್ಪುಬೀ ಮಲ್ಲ ಊರ್ಗೇ
ನಮನ ಕಾರ್ಲದ ಭೈರವರಸುಲೆಗ್ಲಾ ಮಲ್ಲ ಆಸೆಯಾಂಡ್ಗೇ!
ಅಂಚ ಉಂತಾಯೆರ್ - ಭಾರಿ ಸೋಕುದ ಗುಮ್ಮಡ್ ದೇವೆರೆನ್
ರಾಮ ಸಮುದ್ರೊದ ಕೈತಲೇ ಗುಮ್ಮಡನ್ ಮಲ್ತೆರ್ ಸ್ಥಾಪನೆ|
ಕಾರ್ಲಲ್ಡ್ ಮೂಡಾಯಿ, ನಲ್ಪ ಮೈಟ್ - ದೂರೊಡ್
ಅರಸು ತಿಮ್ಮಣ್ಣಾಜಿಲೆರ್ ಒಂಜಿ ಕನಸ್ಕಟೈರ್ ಏಣೂರ್ಡ್|
ಫಲ್ಗುಣೀ ಸುದೇತ್ತ ಮುಡಾಯಿದ ದಂಡೇಡ್
ಗುಮ್ಮಡ್-ದೇವರೆ ನುಂತಾಯೆರ್, ಏತೊಂಜಿ ಪೊರ್ಲುಡ್ತು||
ತುಳುನಾಡ್ದ ಮುಡಾಯಿಡೊಂದಿ ಮಾಮಲ್ಲ ಕ್ಷೇತ್ರ
ಎಣ್ಮನೂದ್ದು ವೊರ್ಸ ಚರಿತ್ರೆದ ಶ್ರೀ ಧರ್ಮಸ್ಥಳ ಕ್ಷೇತ್ರ|
ಪುಟ:ನೆಯಿ ಪೇರ್.pdf/೨೧೬
ಈ ಪುಟೊದ ಪರಿಶೀಲನೆ ಆತ್ಂಡ್
ಗುಮ್ಮಡ್ ದೇವೆರ್
ನಾ.ವುಜಿರೆ
ನೆಯಿ-ಪೇರ್ /202
