ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಪೊಸ ಪಿಂಗಾರ • ಕೆ.ಆರ್. ವಿಜಯಗೌರಿ ಪಕ್ಕಳ ಪಿಂಗಾರೊದ ಪಾಲೆಡ್ ಅರಲ್ಲಿನ ಪುರ್ಪ ಬಂಗಾರ ಒರು ನಿನ್ನ ಪೊರ್ಲುದ ರೂಪ ಪರಮರ ತರ್ಕೊಂದಿ ಪೊಸ ತೆಗ್ಲೆ ಸಿಂಗಾರ ಬಾಲೆ ಈ ಬದ್ಗ್ ಉಲ್ಲೆಸೊ ಅಲಂಕಾರ ನಿನ್ನ ಮೆಯಿತ ಕಮ್ಮೆನೊ ಎನ್ನ ಜವ್ವನೊದ ಕನ ಅತ್ತಾ? ನಿನ್ನ ಮೇಲ್ದ ಕೆಂಪು ರಂಗ್ ಎನ್ನ ಜೂವೊದ ಬೆಚ್ಚ ಅತ್ತಾ? ಎನ್ನ ನರ ನರ ನೆತ್ತೆರ್ ಬೊಟ್ಟುಡು ತುಡಿತಿ ಮೋಕೆದ ನೆಸ ಬಿಂಬ ಎಲ್ಲೆ ಈ ಇಲ್ಲದ ಆರಬಾರ ತೂಪಿನ ಮಲ್ಲ ಬೀರೊದ ವಜ್ರಕಂಬ! ಅಪ್ಪೆ ಬೂಮಿ ಈ ಪೊಣ್ಣತ್ತಾ? ನಿನ್ನ ಮನಸ್ಸೆಂಕ್ ಇತ್ತೆ ತೆರಿಂಡ್ ನುಂಗುದಿನ ಮರಟ್ಲಾ ದಾಯೆಕಾಯಿ ಕೊರ್ಪ! ಕುರಿದಿ ಕಂಡೆದುಲಯಿಡ್ಜ್ ಹೈ ಕೊಡಿಪುಂಡೆಂಚ? ಬಿತ್ತ್ ಪರತಾಂಡಲಾ ನಿನ್ನುಡಲ ತೂಕೆಡ್ ಪುಟ್ಟುಂಡತ್ತಾ ಪೊಸ ಬಿದೆ ಈ ದಕ್ಕಿ ಪುರುಬಾಲೆ ಎನ್ನ ಶ್ವಾಸೊಗು ಉಸುಲು ತೆಕ್ಕುತುಡರ್ಗ್ ಎಣ್ಣೆ ಒಸರ್ ಎನ್ನ ಬದ್ಕ್ ಗಟ್ಟಿ ನಿಲೆ, ಸಿಲೆ Sav-co/191
