ಈ ಪುಟೊದ ಪರಿಶೀಲನೆ ಆತ್ಂಡ್
ಓ ಎನ್ನ ಅಪ್ಪೆ
ಸರೋಜ ಕಣಂಜಾರು
ನಿಕ್ಕ್ ಸಾರ ಸೊಲ್ಮೆಲು... ಓ ಎನ್ನ ಅಪ್ಪೆ
ಎಪಲ ನಿನನ್ ಮದಪಯೆ... ಓ ಎನ್ನ ಅಪ್ಪೆ
ಒರ್ಂಬ ತಿಂಗೊಲ್ ತುಂಬ್ದಿನ ಅಪ್ಪೆ
ಪೆದ್ತ್ ತಾಂಕ್ದಿನ ಸಿರಿತುಪ್ಪೆ
ತುತ್ತು ಮುತ್ತು ಕೊರ್ತಿನಪ್ಪೆ
ತಿಗತ ತೀಪೆ ಪೇರ್ ಪರ್ಪಾಯಿನಪ್ಪ
ನಿನ್ನ ನೆತ್ತೆರ್ ಮಾಸಡ್ ಪಾಲ್ ಕೊರ್ತಿನಪ್ಪೆ
ಸಾರ ಬೇನೆ ನೇನೆ ದಿಂಗ್ದಿನಪ್ಪೆ
ಎಡ್ಡೆ-ಪಡ್ಕೆನ್ ತೆರಿಪೋಯಿನಪ್ಪೆ
ಪಟ್ಟ ಪರಕೆ ಪಂಡಿನಪ್ಪ
ಕಷ್ಟ ಸುಖಕ್ ಆತಿನ್ ಅಪ್ಪೆ
ಸುರುತ ಗುರು ಎನ್ನ ಮೋಕೆದಪ್ಪೆ
ಜೋಕೆ ಮೋಕೆಡ್ ತಾಂಕ್ದಿನಪ್ಪೆ
ಅರ್ತಿ-ಕುಸಾಲ್ಡ್ ಮಲ್ಲೆ ಮಲ್ತಿನಪ್ಪೆ
ಎಡ್ಡೆ ತಾದಿಡ್ ನಡಪೋಯಿನಪ್ಪೆ
ಸತ್ಯ-ಧರ್ಮದ ನೀತಿ ತೆರಿಪೋಯಿನಪ್ಪೆ
ತಪ್ಪು-ಒಪ್ಪುನ್ ತೋಜಾಯಿನಪ್ಪೆ
ನಿತ್ಯ-ನೇಮ ನಿಷ್ಠೆನ್ ತೆರಿಪೋಯಿನಪ್ಪೆ
ಮೂಜಿ ಕೋಟಿ ದೇವೆರ್ ನಿಲೆಯಾತಿನಪ್ಪೆ
ಕೋಟಿ ಕೋಟಿ ರೂಪಾಯಿ ಕೊರುಂಡಲಾ ತಿಕ್ಕಂದಿನಪ್ಪೆ
ಏಳೇಳ್ ಜನ್ಮಡ್ಲ ನಿನ್ನ ಋಣ ಬೂಟರೆಗುಂಡೆ?
ನಿಕ್ಸ್ ಸಾರ ಸೊಲ್ಮೆಲು ಸುಗಿಪುವೆ ಎನ್ನಪ್ಪೆ
ನೆಯಿ-ಪೇರ್/181
