ಈ ಪುಟೊದ ಪರಿಶೀಲನೆ ಆತ್ಂಡ್
ಕುಡೊರ ಕಟ್ಟ್ ಗ ಮಾತೆರ್
ಯೋಗೀಶ ಕೈರೋಡಿ
ಕರುಣೆದಾಂತೆ ಕಡಿದ್ ಪೋಯಿ
ಉಡಲ್ ಉಡಲ್ದ ಪಾಪುನು
ಕುಡೊರ ಕಟ್ಟ್ ಗ ಮಾತೆರ್||
ಅರೆಡ ಮೆರೆಡ ದಿಂಜಿದಿಪ್ಪುನ
ತಿರ್ಲ್ ಪೊರ್ಲುನು ಪೆಜಿದ್ ಪತ್ತ್ ಗ
ಲಡಯಿ ಪೆಟ್ಟ್ ದ ಎಲ್ಯ ಮನಸ್ ನ್
ದೂರ ಮಲ್ಪುಗ ಮಾತೆರ್ ||
ಕೋಡೆ ಪುಟ್ಟುದ ಇನಿಯೆ ಬದುಕುವ
ಎಲ್ಲೆ ಒರಿಪುಜ ಏರ್ಲಾ
ಲಡಯಿ ಗೆಂದಿ ಬೀರೆರ್
ಪುದರ್ ಕೇಂಡಿನ ಬಿರ್ಸೆರ್
ಏರ್ ಒರಿದೆರ್ ತೂಲೆಯೆ ||
ಪೇರ್ ಕೊರ್ಪಿನ ಪೆತ್ತಲು
ಪರ್ಂದ್ ಕೊರ್ಪಿನ ಮರಕ್ಕುಲು
ಬೊಲ್ಪು ಕೊರ್ಪಿ ಸೂರ್ಯ ಚಂದ್ರೆರೆ ತೂಯರ
ಯಾನೆ ಎನ್ನವು ಎಂಕ್ ಎನ್ನನೆ
ಪನ್ಸಿ ಮನಸ್ ದಾಯೆಗ್?!!
ಜಾತಿ ದುಡ್ಡುದ ಪಂಥ ಗೋತ್ರೊದ
ಅಮಲ್ ದಿಂಜಿದಿ ಲೋಕೊಡು
ಒರಿಯನೊರಿಯನ ಉಡಲ್ ಸೇರೊಡು
ಕಡಲ್ ದಿಂಜುನ ಮೋಕೆ ಬರ್ಸೊಲು ||
ಕರುಣೆದಾಂತೆ ಕಡಿದ್ ಪೋಯಿ
ಉಡಲ್ ಉಡಲ್ ಪಾಪುನು
ಕುಡೊರ ಕಟ್ಟೆಗ ಮಾತೆರ್ ||
ನೆಯಿ-ಪೇರ್ /180
