ಈ ಪುಟೊದ ಪರಿಶೀಲನೆ ಆತ್ಂಡ್
ಮೌನ ದುಲಯಿ
ಬೇಬಿ ಎಸ್. ಶೆಟ್ಟಿ
ಮೌನ ದುಲಯಿ ಏತೊ ಪಾತೆರ
ಬಿಮ್ಮ ಬಿದಿರಂದಿ ಧ್ಯಾನೊಡು
ಏತೊ ಕೊಲ್ಪು!
ಪಾತಾಲೊ ಮುಟ್ಟ ಮನಸ್ದಂಕಣ
ಒಸರ ಒರ್ತೆ ಪಿರ್ತಿದ ಒರ್ತೆ
ತೋಜಿನನೆ ಇಜ್ಜಿ
ಈ ಮೌನೊಡು
ಕರ್ಕ ಕಣ್ಣ್ ಮುಚ್ಚಿಂಡಲಾ
ಅಂಗಲಾಪುದ ಧಿಮಿಕಿಟೊಟು
ಅಲ್ಕ್ ಅಲ್ಕ್ ದ್ ಬೂರಿನಿ
ಕಾರಡಿತ ಗೆಂಡ
ಮಣ್ಣ್ ನರಾದ್ ಪತ್ತಿ ಬೇರ್
ನಾಲ್ದೆಸೆಕ್ ತಂಪು ನಿರೆಲ್
ಪಿರಿತಿ ಪಂಡ ಇಂಚೆನೇ
ಉಡಲ್ದಾ ಉಬೆ
ಕಡೆ ಕಣ್ಣ್ ಡ್ ಕೊಡಿ ನೀರ್
ಮುಗಲ್ದುಲಯಿದ ಬೊಳ್ಳಿ
ಕಿಸ್ಕ ತೆಲಿತ್ಂಡೇ
ಮದಿರೆಂಗಿ ಬಿರೆಲ್ಡ್
ದಾರೆ ನೀರ್ ಸೆರೆಟ್ ಪಸ್ದ್
ಮನಿಪಂದೆ ತಡ್ಯ ದಾಂಟ್ದ್
ನಿರೆಲ್ ನಾಡುನ ಪೊಣ್ಣು
ಬಿಮ್ಮ ದುಲಯಿಡೇ ಪೂರ ಪಾತೆರ || ಮೌನ ||
ನೆಯಿ-ಪೇರ್ /178
