ಉಂದು ಕಲಿಕಾಲ... ಅತ್ತೆ... ಜನಮಾನಿನ ಕೆಡುಕಾಲ • ವಾಮನ ಕೋಟ್ಯಾನ್, ನಡಿಕುದ್ರು ಉಂದು ಕಲಿಕಾಲ... ಅತ್ತೆ.. ಜನಮಾನಿನ ಕೆಡುಕಾಲ ಆನಿದ ಕಾಲೊಡು ತಂಜಿ ಬೊಲ್ಲಿದ ಬೊಲ್ಪುಗು ಎಚ್ಚರ ಇನಿತ ಕಾಲೊಡು ನಿದ್ರೆ ಬುಡ್ಡಾವುಜಿ ಟಿವಿ ಚಾನೆಲ್ಲ ಕೇನುನ ಅಬ್ಬರ ಕೋರಿ ಕೆಲೆತ್ತುಂಡ ಕೊಟ್ಟು ಪುಗ್ಗೆಲ್ ಕಾರ್ ಕಂಡೊಡು ಕೈ ಬೆನ್ನಿನ ಬೇಲೆಡ್ ಜುವ ಬದುಕುನ ಆಶದ ನಿಲ್ ಇತ್ತೆ ರಗ್ಸ್ ಪೊದೆತ್ ಡಿಸ್ಕೊಪದ ಕೇನುನ ಮ ಬೊಲ್ಪಾಂಡ ತಂಜನೊಗ್ ಬೆಂಜನದ ಕುಕ್ಕು ಪೆಜಕ್ಕಾದ ಚಟ್ಟಿ ಇತ್ತೆ ಬೊರ್ನ್ವಿಟಾ ಗ್ಲುಕೋಸ್ದೊಟ್ಟುಗ್ ಡಾಬದ ಪೊಟ್ಟು ರುಟ್ಟಿ ಕಂಡದ ಒರಲ್ಡ್ 'ಓಂ' ಪನ್ನಿ ದೇವೆರ ಸುಗಿಪು ಇನಿತಕಾಲೋಡು ಕ್ಲಬ್ಡ್ ಹರೇರಾಮ್ ಹರೇಕೃಷ್ಣ ಡ್ಯಾನ್ಸ್ದ ಬುಲಿಪು ಬೇಲೆದ ಉರ್ಬುಡು, ಪರಿದಿನ ಕುಂಟುಡು ಶಾಲೆಗ್ ಒಂಜೇ ಬಲಿಪು ಕಲ್ಪುನ ನೆಗೆತ್ಡ್, ಮೋಕೆ ಬೆರೆತ್, ಗುರುನೊಟ್ಟುಗೆ ಪಾರುನನಂಟು ತಾಂಕುನ ಗುರ್ತದ ನೆನೆಪಾದ್ ಅಪ್ಪೆ ಅಮೆರ ವಾದಿನಲಾ ತೂಪಿ ಪೊರು ಇನಿ ತಾಂಕಿ ಬೊಕ್ಕ ರೆಕ್ಕೆಕುಡು ಪರದೇಶೆಡು ಮಧ್ಯೆದ ಉರು ಅಜ್ಜಿ ಪಂಡಿನ ತಿಂಗೊಲ್ಬೊಲ್ಲುಡು ರಾಮಭೀಮನ ದರ್ಮದ ಕಲೆತ ಕೊಡಿಪು ಇನಿ ಅಜ್ಜಿದಾಂತಿ ಕೂಟೊಡು ಬಾರ್ಡ್ ರಾತ್ರೆ ಪಗೆಲ್ ಸುಕ್ಕ ಕೋರಿದ ಕಜಿಪು ಆಣ್ಪೊಣ್ಣಗ್ ತಮೆರಿದೊಟ್ಟುಗ್ ಧಾರೆ ಮೈಪುನ ಒಂಜಿಕಾಲ ಇನಿ ತಮೆರಿದಾಂತೆ ಧಾರೆ ಮೈಪುನೇ ದಿನಗೆಪ್ಪುನ ಬರಗಾಲ ತಾಂಕಿ ಋಕ್ ಸೈನ ಮುಟ್ಟದ ತಾಂಕುನ ಗುಣ ನಡತೆ ಇನಿ ಒರಸೈಪೆಪ ಮುನ್ನೊಂದು ಆಶ್ರಮೊಡು ಪಾಡುನ ಬಯಕೆ ಇತ್ತೀಜಿ ಸೀಕ್ ಸಂಕಡ, ಪರ್ತುಂಡು ಊರಬೇರ ಖಾರ ಕಷಾಯ ಇನಿ ಸೀಕು ತಪ್ಪುಜಿ ಆಸ್ಪತ್ರೆದ ಮಂಚಾವುಡು ಲಕ್ಕಂದಿನ ಗಾಯ ನೂದು ವರ್ಸ ಬದುಕೊಂದು ದಿನಕಳೆಯಿನ ಆ ದಿನ ಇನಿ ಅರ್ಧ ಆಯುಷ್ಯಡೇ ಜುವ ಪೋಪುಂಡು ಒಂಜಿ ದಿನ ಉಂದು ಕಲಿಕಾಲ... ಅತ್ತೆ... ಜನಮಾನಿನ ಕೆಡುಕಾಲ a-e0/172
