ಸ್ವರ್ಗೊ ಓಲುಂಡು? ಡಾ| ಬೆಳ್ಳಿಪ್ಪಾಡಿ ಸತೀಶ್ ರೈ ಅಂಬೆಕಾರ್ನ್ ದೀದ್ ಬೂರೊಂದು ಲಕ್ಕೊಂದು | ಗೊದ್ದೆ ನುಡಿ ಪಂಡೊಂದು ಅಪ್ಪೆನೇ ಲೆತ್ತೊಂದು | ಕಿಲಕಿಲನೆ ತೆಳಿತೊಂದು ತರೆಕೂಜಲ್ಗೊತೊಂದು | ಬರಿ ಬಾಲೆದ ನಡುಟು ಸ್ವರ್ಗ ತೂದಿತ್ತೆ || ತನ್ನ ಜೋಕುಳೆ ಸುಖೋಟು ತನ್ನ ಸುಖ ತೂವೊಂದು | ಬತ್ತಿಂಚಿ ಕಷ್ಟೊಳನ್ ತೆಲಿತ್ತೊಂದು ತಾಂಗೊಂದು | ಚಂದನೊನು ತರೆಪುನಗ ಲಕ್ಕಿ ಪರಿಮಳ ರೀತಿ | ಶಾಂತ ಗ್ರಹಿಣಿನ ನೆಲೆಟ್ ಸ್ವರ್ಗ ತೂದಿತ್ತೆ || ತನ್ನ ಜೋಸ್ತಿನ ಸುಖೋಕು ಪೂರ್ತಿ ಮನಸ್ನ್ ದೀದ್ | ಜೀವನೊದ ಬೇನೆಲೆನ್ ಜತೆಯಾದ್ ತಾಂಗೊಂದು | ಪ್ರತಿಫಲಾಪೇಕ್ಷೆಲೆನ್ ಏಪೊಲಾ ಗ್ರಹಿಪಂದಿ | ಪ್ರಾಣ ಮಿತ್ರೆರೆ ನಡುಟು ಸ್ವರ್ಗ ತೂದಿತ್ತೆ | ತನ್ನ ಅನುಭವ ಫಲೊನು ಪೂರ್ತಿ ಮನಸ್ಸನ್ ಕೊರ್ಡ್ 1 ಮೇಲ್ ಕೀಲ್ಂದ್ ಬೇದ ಭಾವೊನು ತೊರೆದ್ | ಶಿಷ್ಯ ಕುಲ ಪೀಳಿಗೆಗ್ ಸಾದಿ ತೋಜಬಿನಂಚಿ | ಗುರು ಹಿರಿಯೆರೆಡ್ಲೆಡ್ ಸ್ವರ್ಗ ತೂದಿತ್ತೆ ಸ್ಥಿತ ಪ್ರಜ್ಞತೆ ದೀದ್ ಭಕ್ತಿ ಪರವಶೆಯಾದ್ | ಮುಕ್ತಿ ತಿಕ್ಕೆರೆ ಪಂಡ್ಸ್ ಮಂಜುನಾಥನ ಎದುರು | ಲೋಕೊನೇ ಮರತ್ತೊಂದು ಧ್ಯಾನ ಮಲ್ಲೊಂದಿಪ್ಪಿ | ಭಕ್ತ ಕೋಟಿದ ನಡುಟು ಸ್ವರ್ಗ ತೂದಿತ್ತೆ | 0 Na-eo/165
