ಈ ಪುಟೊದ ಪರಿಶೀಲನೆ ಆತ್ಂಡ್
ಪುಲ್ಯ ಆಂಡ್ ಲಕ್ಕ್ಲೆ
• ಸದಾನಂದ ನಾರವಿ
ಲಕ್ಕಿ ಜನೊಕುಲೇ ನಿಕುಲು ಬೇಗ ಲಕ್ಕ್ದುಂತುಲೆ
ನಿದ್ರೆ ಯಾವು ಕಣ್ಣ್ ಬುಡ್ಲೆ ಪುಲ್ಯ ಆಂಡ್ ಲಕ್ಕ್ಲೆ||ಪ||
ಗೂಡುದುಲಯಿದ ಕೋರಿ ಕೆಲೆತ್ಂಡ್
ಪಕ್ಕಿಲೆ ಚಿಲಿಪಿಲಿ ಕೆಬಿಕ್ ಕೇನ್ಂಡ್
ತಂಪು ಗಾಳಿಲ ಮೆಯಿಕ್ ಸೋಂಕುಂಡ್
ಇರ್ಲ್ ಕರಿದ್ಲ ಬೊಲ್ಪು ಆಂಡ್ || ೧ ||
ಸೂರ್ಯ ದೇವೆರ್ ಇಲ್ಲ್ ಪಿದಾಡಿಯೆರ್
ಲೋಕೊನು ಪೂರಾ ಬೊಲ್ಫುಮಲ್ತೆರ್
ಮೂಡಾಯಿ ಬಾನೊದ ಬಾಕಿಲ್ ದೆತ್ತೆರ್
ಬಂಗಾರ್ದ ಒಪ್ಪ ಬಾನೊಗು ಕೊರಿಯೆರ್ ॥ ೨ ॥
ಪಜಿರ್ದ ಮಿತ್ತ್ ಮಿನ್ಕುನ ಪನಿಕುಲು
ಕಾತೊಂದಿತ್ತ ಸೂರ್ಯನ್ ಸೇರಿಯರೆ
ಮಿತ್ತ್ ತೂವೊಂದಿತ್ತ ಪೂತ್ತ ಮುಕ್ಕೆಲು
ದೊಂಬು ತೂದು ಅರಳ್ದುಂತಿಯರೆ|| ೩ ||
ಕಬ್ಬಿದಿ ಕತ್ತಲೆ ಕರಿದ್ ಬೊಲ್ಪಾಂಡ್ ಒರ್ಮೆಲಾ
ಬೆನ್ನಿದ ಬೇಲೆಲ ಅವುಲು ಕಾತೊಂದುಂಡು ನಮನ್ಲಾ
ಬೆಳಗಡ್ ನಮ್ಮ ಬದ್ಕ್ಲಾ ಐಕೆ ಬೇಗ ಲಕ್ಕ್ಗ
ದೈವ ದೇವೆರೆ ನಿತ್ಯ ನೆನೆತೊಂದು ಬೇಲೆ ಸುರು ಮಲ್ಪುಗ|| ೪ ||
ನೆಯಿ-ಪೇರ್ /154
