ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ತಪ್ಪು ಎನ್ನವರ್ ಗೋಪಿ • ಡಾ. ವಸಂತಕುಮಾರ್ ಪೆರ್ಲ ತಪ್ಪು ಎನ್ನವತ್ತ ಗೋಪಿ, ಪನ್ಸೆ ಕೇನ್ಲ ಮಾಪು ಮಲ್ಲು ಬಾಲೆ ಯಾನ್, ಅರಾದ್ ಪ ಉಡಲ್ದಿಂಜ ನಿನ್ನ ನೆಂಪು ಉದಿತ್ ಬರ್ಪುಂಡು ಎರ್ತೆ ಕಡಲ್ ದಂಚಿ ಇಂಚಿ ಪಾಂಡಿ ತೇಲುಂಡು ಯಮುನೆ ಬರಿಟ್ ಬಯ್ಯಮುಟ್ಟ ಪುರಲ್ನೂದಿಯೆ ಬಡವು ಬಾಜಲ್ ಬೇನೆ ಬೇಂಕೆಡ್ ಸೋತ್ ಸೊರಗ್ಯ ಪೆತ್ತ ಕಂಜಿಲು ನೀ ನಿರೆಲ್ಗ್ ದೂರ ಪೋಯೊದೇ ಪಕ್ಕಿಗುಲು ರಾಪುನುಂತ ಗೂಡು ಸೇರೊದೇ ಒಪ್ಪ ಬತ್ತಿನಕುಲು ಗೊಬ್ಬೊಂದು ದೂರ ಪೋಯ ಒಟ್ಟುಗೇರ್ಲ ಇಜ್ಜಿ, ಗೋಪಿ, ಕಾರ್ ಬಚ್ಂಡ್ ನಿನ್ನ ಮೋಕೆದ ರೂಪೊ ಎನ್ನ ಮನಸ್ ದಿಂಜ್ಂಡ್ ಯಮುನೆ ದೊಯ್ಸನ್ ತೂದು ಎಂಕ್ ಪೋಡಿ ಪುಟ್ಸ್ಂಡ್ ನೀರ್ ಪರಿಯರ ಪೋಯಿನಲ್ಪ ದುಸ್ತು ತೋಜ್ಂಡ್ ಮುಟ್ಟ ಬರಿಟ್ ನಿನ್ನ ತೋಜಂದೆ ಕಾರ್ ನಡ್ಗ್ಂಡ್ ನಿಕ್ ದಾಲ ಆವೊಡ್ಡಿಂದ್ ಕೈನ್ ಮುಗಿಯೊಂಡೆ ದುಸ್ತು ಪತ್ತೆ ಮತ್ತೆ ಕುಲ್ಲಿಯೆ, ಗಟ್ಟ ಪತ್ತೊಂಡೆ ಅಪಗ ತೂಯೆ, ಮೀಯೊಂದಿತ್ತರ್ ನಿಕುಲು ಗೊಬ್ಬೊಂದು ಕುಂಟು ತಿಕ್ಕಂದ ನಾಡ್ ಬತ್ತರ್ ಎನ್ನ ಲೆತ್ತೊಂದು! ನೆಯಿ-ಪೇರ್ /151
