ಈ ಪುಟೊದ ಪರಿಶೀಲನೆ ಮಲ್ತಿಜ್ಜಿ
ಅಂಗ್ ಎಚ್. ಶಕುಂತಳಾ ಭಟ್, ಹಳೆಯಂಗಡಿ ಎನ್ನ ಈ ಕಣ್ಣನಿಲಿಕೆ ನಿನ್ನ ಬಿಂಬ ಜಿಂಜೊಡು ತಿಗಟ್ ತೀಪೆ ಕರಾಯಿಲೆಕ್ಕ ಪುರಡ್ ರಂಗ್ ರೆಂಕಿಲೆಕ್ಕೆ II ೧ II ಎನ್ನ ದುನಿಪುದ ನಿಲಿಕೆ ನಿನ್ನ ಪೊಲಿತ ಸಿರಿ ಉಪ್ಪಡ್ ಗಾಲಿಡ್ ಕಮ್ಮೆನ ದೆಂಗಿಲೆಕ್ಕ ಬಾನೊಡ್ ನೀಲಿ ಬೆರಾಯಿಲೆಕ್ಕ || ೨ || ಎನ್ನ ಕನತ ನಿಲಿಕೆ ನಿನ್ನ ಮೋಕೆದ ಉದಿಪುಪ್ಪಡ್ ನಿಲೆ ಬರ್ಸನ್ ಕಾವುನಲೆಕ್ಕ ಮುಂಗೆ ಮಣ್ಣೂಡ ಕೊಡಿಲೆಕ್ಕ || ೩ || ಎನ್ನ ಅಂಗ್ ನಿಲಿಕೆ ನಿನ್ನ ತಾಂಗ್ ಅರಾಪಡ್ ಸುದೆ ಕಡಲ್ಗ್ ಪರಪುಲೆಕ್ಕ ಮುಕ್ಕೆ ಬೊಲ್ಲುನು ನಟ್ಟಲೆಕ್ಕ || ೪ || ಎನ್ನ ಬೇನೆದ ನಿಲಿಕೆ ನಿನ್ನ ಮದಿಪುಪ್ಪಡ್ ಬಾನೊಡ್ ಬೊಲ್ಲಿ ಮೆನ್ನುನ ತಿಂಗಲ್ಲ ಬೊಲ್ವುಡ್ ಚಂದ್ರೆ ಮೂಡಿಲೆಕ್ಕ || ೫ | ಎನ್ನ ನಂಬಿಕೆದ ನಿಲಿಕೆ ನಿನ್ನ ಉಂಬಲಿ ಉಪ್ಪಡ್ ಅಪ್ಪೆ ಬಾಲೆಲೆನ್ ಮೋಕೆದಲೆಕ್ಕ ಪಗೆಲ್ ತಾವರೆ ಅರಲಿಲೆಕ್ಕ || ೬ || Jav-co/146
