ಈ ಪುಟೊದ ಪರಿಶೀಲನೆ ಆತ್ಂಡ್
ಪೂರಾಗೊಬ್ಬು ಯಾನೇ ಗೆಲ್ತೆಂದ್
ಕುಡುಬಿರ್ಕೆಕೆ ಕಲ್ತನಾ?
ಬೆಗರ್ ಸೀಂಟ್ದ್ ಬತ್ತಿ ಆಣಗ್
ನುಪ್ಪು ಕೊರಿಯೆರೆ ಮರತನಾ?!
ಎಂಕ್ ಸೋತಂಡ ದಾನೆಪನ್ಲ
ಎನನ್ ಗೆಂದ್ನೆ ಈಯೆ ಅತ್ತಾ?!
ಎನನ್ ಗೆಂದದ್ ನಿನನ್ ಸೋಪದಿ!
ಎನ್ನ ಗೆಂದದ್ ಈ ಅತ್ತಾ!!
ಬಾಲೆ
• ಶಾರದಾ ಶೆಟ್ಟಿ ಕಾವೂರು
ನವಿಲ್ಗ್ ನವಿಲ್ದ ಬೀಲನೆ ಪೊರ್ಲು
ಗಿಳಿಕ್ಕ್ ಪೊರ್ಲು ಪಚ್ಚೆ
ಆನೆಗ್ ಉದ್ದದ ಸೊಂಡಿಲ್ ಪೊರ್ಲು
ಎಲ್ಯ ಗುರ್ಬಿಗ್ ರೆಂಕೆ
ಭೂಮಿಗ್ ಪಚ್ಚೆದ ಪಜಿರೇ ಪೊರ್ಲು
ಬಾನೊಗು ಪೊರ್ಲು ಚಂದ್ರೆ
ನಮ್ಮ ಇಲ್ಲಗ್ ಈಯೇ ಪೊರ್ಲು
ಎಲ್ಯ ಬಾಲೆ ಮುದ್ದೊ ||
