ಈ ಪುಟೊದ ಪರಿಶೀಲನೆ ಆತ್ಂಡ್
ಎನ್ನ ಉಡಲ ಮಲ್ಲಿಗೆ
• ಕೆ.ಹೆಚ್. ಬಂಗೇರ, ಕಕ್ಯಪದವು
ಬಲದೆ ಬಲದೆ ಎನ್ನ ಇಲ್ಲಗೆ
ಮೋಕೆದುಡಲ ಮಲ್ಲಿಗೆ....
ಇಲ್ಲ್ ದಿಂಜಡ್ ನಿನ್ನ ಕಮ್ಮೆನ
ನಮ್ಮ ಬದ್ಕೇ ಪಾರ್ದನ...
ನಿನ್ನ ನಲ್ಮೆಡೆ ಸಂಗ ಗೆಲ್ಮೆನ
ದಿನೊಲ ನಂಕೇ ತಮ್ಮನ....
ನಿನ್ನ ಮೋಕೆಡೆ ಭೂಮಿ ಒರಿದ್ಂಡ್
ಕಡಲ ಗರ್ಭೊಗೆ ಸೇರಂದೆ...
ಜನ್ಮ ಸಾರ್ಥಕ ಅಪ್ಪೆ ಪಾದೊಡೆ
ನಿಚ್ಚ ಮೆರೆವೊಡು ಗೆಂದ್ದೆ...
ಬಾನ ಭೂಮಿದ ತಾಳ್ಮೆ ತೆರಿಲ
ದುಃಖ ಮಾಜಾದೆ ಸೇರ್ಲ...
ತೆಲಿಕೆ ನಲಿಕೆದ ರಂಗ್ ದಿಂಜಡ್
ದೇವ ಲೋಕೊನೆ ನಾಚೊಡು...
ಬದ್ಕ ಬೈಲ್ಡ ಪಜ್ಜಿ ತೆಗ್ಲಡ್
ಪೊರ್ಲ ಪುರ್ಪೊಲು ಅರಳಡ್....
ಪೇರ್ ನೀರ್ದ ನಮ್ಮ ಬದ್ಕ್ನ್
ಊರು ಪೂರ ಪುಗರೊಡು...
ದಯೊನೆ ದಾಂತಿನ ಇರ್ಲ್ ಸಾದಿಡ್
ಮೋಕೆದ ಜೀಟಿಗೆ ಮೆನ್ಕಡ್....
ಸೂರ್ಯ ಚಂದ್ರೆರೆ ಕಾಲ ಕಡೆಕ್ಲ
ನಮ್ಮ ಮೋಕೆ ಭೂಮಿಡ್ ಒರಿಯಡ್...
ನಮ್ಮ ಮೋಕೆ ಭೂಮಿಡ್ ಒರಿಯಡ್...
ನೆಯಿ-ಪೇರ್ / 147
