ಈ ಪುಟೊದ ಪರಿಶೀಲನೆ ಆತ್ಂಡ್
ಅಕ್ಕಗೊಂಗಜಿ ಓಲೆ
ಅಕ್ಕ ಈಲಾ ಭಾವೆ ಎನ್ನ
ಇಲ್ಲ ಬರ್ಪಿನಿ ಯಾಪಯಾ || ಪ |
ನಮ್ಮ ದೇಶೋ ಸ್ವತಂತ್ರೊ ಆದ್
ಪರ್ಬೊ ಒರ್ಸೊಲ ಕಳೆಯೋನೆ
ರಾಜೆರಾದ್ ಆಳ್ನ ಭಾಗ್ಯೊಡು
ದೇಶನು ಏತೋ ಬೆಳಗ್ಯೊನೆ || ೧ ||
ಮಲ್ಲ ಪರ್ಬೊ ದೇಶೊದಕ್ಕಾ
ಭಾರಿ ಜನೊಕುಲು ಸೇರ್
ಬಿನ್ನೆರೇತೋ ಬರ್
ಶಾಸಕರೇ ಮಲ್ಲ ಬಿನ್ನೇರ್ || ೨ |
ದೇಶಕ್ಕಾದ್ ದೇಹೊತ್ಯಾಗೊ
ಮಲ್ತಿ ಗಾಂಧಿ ತಾತೆರ್
ಏತೋ ಜನೊಕುಲು ದೇಶೊಗಾದ್
ದಾರೆ ಕೊರ್ತ್ ನೆತ್ತೆರ್ || ೩ ||
ಜಾತಿ ಭೇದೊ ಪೋವೊಡಕ್ಕಾ
ಶಾಂತಿ ಸುಖೊಲಾ ನೆಲೆಸಾಡ್
ದೇಶಸೇವೆ ಮಲ್ಪ್ ಡಕ್ಕ
ದೇಶೊ ನಮನ ಬೆಳಗಾಡ್ || ೪ ||
ಒಂಜೆ ಅಪ್ಪೆ ಜೋಕುಲೆಂಕ್ಲು
ಪನ್ಪಿ ಭಾವೊ ಬುಲೆವೊಡು
ದಲಿತ ಜನೊಕ್ಲು ಬರೊಡು ಮಿತ್ತ್
ದರಿದ್ರೊ ನಮನ ಕಳೆವೊಡು || ೫ ||
Jav-co/132 • ಬಾ.ಬಾ, ಉಜಿರ
