ನಾಗ-ಬೆಮ್ಮೆರೆ ಸೂರ್ಯದೇವರೆ ಕೈ ಮುಗಿದ್ | ಭೂಮಿದಪ್ಪೆಗ್ ದೀವೊಂದಿತ್ತ ಒಂಜಿ ರಂಕ ಪೇರ್ ಕೊರಲ ಪರ್ಬಾಂದ್ ಪೊಲಿ ಲೆತ್ತ್ ಕೊರಲ್ ತುಂಬಿಯರ್ | ಕೊರಲ್ಗ್ ಪೇ ಮಯತ್ದ್ ಬೋದಿಗೆ ಕಂಬೋ ಕಟ್ ಕೊಡಮಣಿತ್ತಾಯಿ ಮುಜಿಲ್ಲಾಯಿ ನಂಚಿನ ದೈವೊಲೆಗ್ | ನಿಲಿಕೆ ದಿಂಜದ್ ದೀತರ್ ಒಂಜಿ ಗಿಂಡೆ ಪೇರ್ || ಕೊಂಡಾಟೊಡೇ ಮಲ್ಲೆ ಆಯಿನ ಜವನೆ ಯಾನ್ | ಸೊರ್ಕುಡು ಬುಳೆವಂದೆ ಭಕ್ತಿಡ್ ಕಲ್ತಿದೆ ಅಜ್ಜೆರೆ ಮರ್ಜಿಲೆನ್ || ಸೊಂಡಿಲಸ್ವಾಮಿಗ್ ವರ್ಸದ ಚತುರ್ಥಿಗ್ | ಕೊರಿಯೆ ನೆಯಿತ ಅಪ್ಪ ಮೋದಕ ಗಣಪತಿ ಚೌತಿಗೆ || ನಾಗ ಬನೊಕು - ಬೆರ್ಮೆರೆ ಗುಂಡೊಗು | ನಾಗ ತನುಕು ಬೋಡು ನೆಯಿ ಪೇರ್ || ಬೆರಣೆ ಮಲ್ಪುವೆರ್ ಪೇರ್ ಬೊಂಡೊಗು | ತಿಗತ ನೆಯಿತೊಟ್ಟು ಪೆತ್ತದ ಬೋಡು ನೆಯಿ ಪೇರ್ ಸೊಂಡಿಲಸ್ವಾಮಿಗ್ ಶಕ್ತಿದಪ್ಪೆಗ್ ಮೂಜಿ ಕಣ್ಣೆದರೆಗ್ಲಾ | ಬೋಡು ನೆಯಿಪೇರ್ದ ಪಂಚಾಮೃತದಭಿಷೇಕ || ತ್ಯಾಗಮೂರ್ತಿ ಕಾರ್ಲದ ಗುಮ್ಮಡ ದೇವೆರೆಗ್ಲಾ | ನೆಯಿ-ಪೇರ್ಡೇ ನಡಪುಂಡು ಮಸ್ತಕಾಭಿಷೇಕ || ಭೂಮಿದಪ್ಪೆ ದೆತೊನುವಲ್ ಹೋಮದ ಪರಿಮಳ ಪುಗತ | ಗಾಳಿಡ್ ಪಸರುಂಡು ಪುಗೆಟ್ ನಯಿ-ಪೇರ್ ಭೂವೈಕುಂಠಸ್ವಾಮಿ ತಿರುಪತಿ - ತಿರುಮಲೆತ | ತಿಮ್ಮಪ್ಪಗ್ಲಾ ಬೋಡು ನೆಯಿ-ಪೇರ್ 3 ರ್ || ನೆಯಿ-ಪೇರ್ /128
