ತುಳುನಾಡ್ ಬರೊ ಬಲಿಯೇಂದ್ರೆ • ಕೆ. ಕೇಶವ ಬಂಗೇರ, ಬಂಟ್ವಾಳ ತುಳುನಾಡ್ಗ್ ಬರೆ ತುಳುನಾಡ್ಗ್ ಬಗ್ಗೆ ಬಲಿಯೇಂದ್ರೆ ಬೇಗ ಬಲ ಬೇಗ ಬಲ ಬಲಿಯೇಂದ್ರ ತುಳುನಾಡ್ ನೊರ ತೂಲ ಕರ್ಮಡ್ ಧರ್ಮನ್, ಉಡಲ್ಡ್ ಸತ್ಯನು ದೀವೊಂದು ರಾಜ್ಯಭಾರ ಮಂತಿ ಬಲಿಯೇಂದ್ರ ಕೂಬಲ ಕೂಬಲ ನಿನ್ನನೇ ದೇಶಗ್ ನಿನ್ನನೇ ವೇಷಡ್ ಏಳ್ ಕಡಲ್ ದಾಟೊಂದು ಬಲ ತುಳುವೆರೆಡಾ ಧರ್ಮ ಉಂಡು, ತುಳುವೆರೆಡಾ ಕರ್ಮ ಉಂಡು ಎಂಕುಲೆಡೊರ ಪಾತೆರ ತುಳುಜೋಕುಲು ಮಾತ ಕೂ ಬಲ ಬಲಿಯೇಂದ್ರ ಕೂ ಬಲ ಬಲಿಯೇಂದ್ರ ನಿಕ್ ಬೋಡಿತ್ತಿನ ಕೈಕಂಜಿ, ನಿಕ್ ಬೋಡಿತ್ತಿನ ಕಂಡಕಲ ನಿಕ್ ಬೋಡಿತ್ತಿನ ದೊಂದಿ ನಿಕ್ ಬೋಡಿತ್ತಿನ ಮಂದಿ ನಿಕ್ ಬೋಡಿತ್ತಿನ ಒಣಸ್, ತೆಣಸ್ ನಿಕ್ ಬೋಡಿತ್ತಿನ ಧರ್ಮ ಪೂರಾ ಉಂಡು ಬಲ ಬಲ ಬಲಿಯೇಂದ್ರ ತುಳುನಾಡ್ರ ಜಪ್ಪು ಬಾಲೆ ಬೆರ್ಮ ಚಾರಿಲೆಗ್ ಪಂಡೆ ಒಯಪ್ಪ ಮಾಣಿಗುಳೆ ಎನ್ನ ರಾಜ್ಯಡ್ ಬತ್ತಿನಾಕುಳು ಇನಿಮುಟ್ಟ ಬಜಿಕೈಟ್ ಪೋತಿಜೆ ನಿಕ್ಲೆಗ್ ಬೋಡಾಯಿನ ಕೇಟ್ಲಿ ಬಜಿಕೈಟ್ ಪೋವಡೆ ನಿಕ್ಲೆಗ್ ಉದಾನ ಕುಂಟುದಾನ ಪಣವುದಾನ ಗೋವುದಾನ ಭೂಮಿದಾನ ವಾ ದಾನ ಬೋಡು ಕೇಂಡೆ ಮಾಣಿನ ರೂಪೊಡಿತ್ತಿ ವಾಮನೆ ಪಂಡೆರ್ ಎಂಕ್ಲೆಗ್ ಕೊರಿಯಡ ಅಂಗಾರಡಿ ಮೂಜಿಮುಟ್ಟು ನೆಲ ಭೂಮಿ ದಾನ ಕೊಲ್ಲಾ ಅವೆನ್ ದೆತೊನೈ ಇಜ್ಜಿಂಡಾ ಪೋಪ ಅಪಗ ಬಲಿಯೇಂದ್ರ ಪನ್ನೆ ಪಂಡಿಪಾತೆರ ಕೊರ ಭಾಷೆ ತಪ್ಪೆರೆ ಬಲ್ಲಿ ನೆಯಿ-ಪೇರ್ /123
