ಪರ್ಬ
• ಡಾ. ಇಂದಿರಾ ಹೆಗ್ಗಡೆ,ಬೆಂಗಳೂರು
ವರ್ಸೊಗೊಂಜೇ ಪರ್ಬ ತುಳುವೆರೆಗ್
ಇಲ್ಲೋ ನಿಲಿಕೆ ಪೊಲಿ ಜಿಂಜು ಪರ್ಬ
ಮರಿಯಾಲದ ಅನಿಷ್ಟ ಕಲೆದ್
ಬಡಪತ್ತ್ದ ಬದ್ಕ್ಗ್ ಬೊಲ್ಪು ಕನಪಿ ಪರ್ಬ
ಏಣೆಲ್ದ್ ಬುಲೆ ಕಂಡೊಡ್ದು
ಬಾರಾದ್ ಜಾಲ್ಗ್ ಬರ್ಪಿ ಪರ್ಬ
ಬಾರ್ ಅರಿಯಾದ್ ಅರಿ ಮುಡಿಯಾದ್ ಅಟ್ಟ್ ಜಿಂಜುನ ಪರ್ಬ
ಇಲ್ಲ್ ನಿಲಿಕಿ ಪೊಲಿ ಜಿಂಜು ಪರ್ಬ
ಬಡಪ ಬದಕ್ಗ್ ಬೊಲ್ಪು ಕನಪಿ ಪರ್ಬ
ಮರಿಯಾಲೊಡು ಪುಗೆ ಪೋವಂದಿ ದಿಕ್ಕೆಲ್ಡ್ ತೂ ಅರ್ಲಾವು ಪರ್ಬ
ಕಡಲ್ ನಿಲಿಕೆ ಮೀನ್ ಜಾಲ್ ನಿಲಿಕೆ ಬಾರ್
ಬೆನರಾತ್ ಬೇಲೆ ತಿನರಾತ್ ಉನ್ಪು
ನಾಯಿದ ಬೀಲೊಡುಲಾ ಗಟ್ಟಿ
ಉಂದುವೆ ಪರ್ಬ ವರ್ಸೊಗೊಂಜೇ ಪರ್ಬ ತುಳುವೆರೆಗ್
ಬಡಪತ್ತ್ದ ಬದಕ್ಗ್ ಬೊಲ್ಪು ಕನಪಿ ಪರ್ಬ
ಪರ್ಬದ ನೀರ್ ಮೀಯೆರೆ ಉಂಡು
ನಾಯಿಲೆಗ್ಲಾ ನರಮಾನಿಗ್ಲಾ ಕೈ ಕಂಜಿಲೆಗ್ಲಾ
ಪರ್ಬದ ಗಟ್ಟಿ ನಾಯಿದ ಬೀಲೋಡುಲಾ ಉಂಡು
ತಾರಾಯಿದ ಕಮ್ಮೆನದ ಪುರ್ಗ ಕೈ ಕಂಜಿಲೆಗ್ ಉಂಡು
ಉಂದುವೆ ಪರ್ಬ ವರ್ಸೊಗೊಂಜೇ ಪರ್ಬ ತುಳುವೆರೆಗ್
ಬಡಪತ್ತ್ದ ಬದ್ಕ್ ಬೊಲ್ಪು ಕನಪಿ ಪರ್ಬ
ಬುಲೆ ಕೊರಿ, ಪೊಲಿ ಕೊರಿ ಕಂಡೊಲೆಡ್ ಸೊಡರ ಬಲಿ
ಕಂಬುಲದ ಕಂಡೊಡು ಸೊಡರ ಬಲಿ
ನೆಯಿ-ಪೇರ್/121
