ಈ ಪುಟೊದ ಪರಿಶೀಲನೆ ಆತ್ಂಡ್
ಲಕ್ಷ್ಮೀಪೂಜೆ, ಗೋಪೂಜೆ, ಪೊಟ್ಟುಗಟ್ಟಿ ಮಂಜೊಲು ಗಟ್ಟಿದ ಆತಿರ್ಲ್
ಸುಖಶಾಂತಿದ ಆಶೇಡ್ ಕತ್ತಲೆನ್ ದೂರ ಮಲ್ತ್ ಜ್ಞಾನದ ಬೊಳ್ಪು ಅರ್ಲಾವುನ
ತುಡಾರ್ ಪರ್ಬದ ನೆಂಪು ಮಗದೊಂಜಿ ವರ್ಷ ಕಾಪೊಡಾಪುಂಡು.
ಅಷ್ಟೆಮಿ
• ಕುತ್ಯಾಳ ನಾಗಪ್ಪಗೌಡ
ಆ ಪರ್ಬೊ ಈ ಪರ್ಬೊ ವಾ ಪೊರ್ಲುಯೇ;
ಕೃಷ್ಣಯ್ಯನಷ್ಟೆಮಿ ಮಾ ಪೊರ್ಲುಯೇ...
ಪರ್ಬೊ ಅಷ್ಟೆಮಿ ಪೊರ್ಲು; ಮೂಲೆ ತುಲಸಿತ ಪೊರ್ಲು;
ಪಿಲಿಗೊಬ್ಬು, ಮರಕಾರ್ ವಾ ಪೊರ್ಲುಯೇ;
ಆ ತೇರ್ ಈ ತೇರ್ ಬಂಗಾರ್ತ ಮಾತೇರ್
ಸಿಂಗಾರೊ ಪಿಂಗಾರೊ ಮಾ ಪೊರ್ಲುಯೇ...
ಕಷ್ಟೊ ನಷ್ಟೋತ ನೆಂಪು ದೆಕ್ಕುನಂಚಿನ ಬರ್ಸೊ
ಅಷ್ಟೆಮಿತ ದಿನೊತಾನಿ ವಾ ಪೊರ್ಲುಯೇ;
ಚೆನ್ನೆಮಣೆ, ಕೋಲಾಟೊ, ಪೂಜೆ, ಭಜನೆತ ಕೂಟೊ,
ತಾಳಮದ್ದಲೆ, ಆಟೊ ಮಾ ಪೊರ್ಲುಯೇ...
ಪುರಲ್ತ ದನಿ ಪೊರ್ಲು; ಮೈರುತ ಸುವಿ ಪೊರ್ಲು;
ತೆಲಿಕೆ ನಲಿಕೆತ ಬದ್ಕ್ ವಾ ಪೊರ್ಲುಯೇ;
ಬಾನೊ ಬಣ್ಣೊತ ಸ್ವಾಮಿ ನಲಿತ್ತ್ ನಲಿಪಾತ್
ನಿಜೊತ ನಿಜೊ ತೆರಿಪಾಂಡ ಮಾ ಪೊರ್ಲುಯೇ!
ನೆಯಿ-ಪೇರ್/120
