ಆಟಿದಕ್ಕೆ
ಕ್ಯಾಥರಿನ್ ರಾಡಿಗ್ರಸ್
ಬರೊಂದುಲ್ಲೊಲ್ ಅಕ್ಕೆ
ಆಟಿದಕ್ಕೆ ಆನೆಡ್ || ಪ ||
ಉದಿಪುನ ದೇವೆರೆಗ್ ಕರಿಕಪ್ಪು ಮುಗಲ್
ಬಾನೊದ ತತ್ರೊಗು ಮುಚ್ಚಂದಿ ಮಡಲ್
ಅರಬಾಯಿ ಪೋಪುಂಡು ಪಡಾಯ್ದ ಕಡಲ್
ಗೊರಜನೆ ಪೋಪುಂಡು ಇಂದ್ರ ರೈತ ತೆಡಿಲ್
ಸಿರಿದೇವಿಗ್ ಆವೊದುಂಡು ಮುತ್ತುಡು ಜಳಕ
ಊರಿಡೀ ಲಕ್ಕೊಂದುಂಡು ಗಾಳಿ ಬರ್ಸ ಮಲಕ || ೧ ||
ಮುಡಿ ಅರಿ ಕೂಡು ಪಾಡ್ದೆರ್ ಪುಗೆ ಪೋಪಿ ಅಟ್ಟೊಡು
ಸಾರ ಸಾರ ತಾರಾಯ್ ಉಂಡು ಪಿರವುದ ಕಿರ್ಪಿಲ್ಡ್
ಕಿರೆಂಗ್ದ ಹಪ್ಪಳುಂಡು ಅಗೋಲಿದ ಉಲಾಯಿಡ್
ಬೆಲ್ಲದ ಕಂದೆಉಂಡು ಕಲೆಂಬಿದ ಉಲಾಯಿಡ್
ಕಿರಿಕಿರಿ ಬಾಲ್ಲು ಉಲ್ಲಾ ತೆನಸ್ ಜಾನೊಡು
ಪಿರಿಪಿರಿ ಪರಬೆರ್ ಉಲ್ಲೆರ್ ದಿಕ್ಕೆದ ಸುತ್ತೊಡು || ೨ ||
ಮಂಡೆದ ನೀರ್ಡ್ ಉಂಡು ಪೆಲಕಾಯ್ದ ರಚ್ಚ
ಪೆಜಕಾಯ್ದ ಸೀಲುಂಡು ಆಯಿತಲಾ ಸುತ್ತ
ಬರ್ಬಡಿ ಅಕ್ಕಡ್ದುಂಡು ತೌತೆದ ಸಾಲ್
ಉಪ್ಪಡ್ ಪಚ್ಚಿರುಂಡು ಭರಣಿದ ಉಲಾಯಿಡ್
ಇಲ್ಲದ ಪೊಂಜೊವುಗು ಸೊಂದುನ ಕಾಲನ
ಸನ್ಗರ್ದ್ ಕನಕ್ಡ್ ಪುಗೆತ್ತವ್ವೇ ತಮ್ಮನ || ೩ ||
ಆಟಿದಕ್ಕೆ ಬನ್ನಗ ಕುಲೆ ಭೂತ ಗಟ್ಟೊಗು
ಪಿಲಿಕಲೆದ್ ಮಡಿ ತುತ್ತೆರೆಗ್ ಪೋವನ ಮಿತ್ತೆಗ್
ನೆಯಿ-ಪೇರ್ /109
