ಈ ಪುಟೊದ ಪರಿಶೀಲನೆ ಆತ್ಂಡ್
ಯುಗಾದಿ
• ಮುದ್ದು ಮೂಡುಬೆಳ್ಳೆ
ಬಲ ಯಗಾದಿ ಬಲ ಯುಗಾದಿ | ಪೊಸ ಬೊಲ್ಪುದ ಆದಿ
ಅಲ ತೂಲ ನಿಲನಿಲಿಕೆ ಪೂ ರೆಂಜೆಲ ಜಾಜಿ |
ಮಣ್ಣಕಮ್ಮೆನ ದಿಂಜ ಬರ್ಸಪನಿ ದೊರಿದ್ಂಡ್ |
ಕೆದುಗುವೆಲ್, ತುದೆತೋಡ್ ನೀರ್ ಎರ್ಕ್ಂಡ್ ||
ಬೂಮ್ಯಪ್ಪೆ ಸಂಪೇರ್ದ್ ತಸಿ ಕೊಡಿಪಡ್ |
ಕೆಯಿ ದಯಿಲ ಕಾಡ್ಕರೆ ಪಲ ಪಿಜಿರಡ್ ||
ಒರ ಬರ್ಸ ಒರ ಬೇಂಕೆ ತೆರಿಯಂದ್ ವಿದಿಲೀಲೆ |
ಬರ್ಪಿನವು ಬರಡ್ಂದ್ ನಮ ಬೆನೊಲಿ ನಮ ಬೇಲೆ||
ಉರ್ಕರುನ ಉಡಲುಂಡು; ಉಸುಲಾದ್ ಬಲ ಈಲ |
ತರ್ಕೊನುಗ ತೆಲಿತೊಂದೆ ಮೋಕೆದವೆ ತುಡರಾಲ ||
ನೆಯಿ-ಪೇರ್/108
