ಈ ಪುಟೊದ ಪರಿಶೀಲನೆ ಆತ್ಂಡ್
ಬಲ ಯುಗಾದಿಯೆ ಬಲ
ಡಾ. ವಸಂತಕುಮಾರ್ ಪೆರ್ಲ
ಯುಗಾದಿಯೆ ಬಲ ಎನ್ನ ಬರಿಟುಂತುಲ
ಬುಲೆಪಾದ್ ಬುಲೆಸಲೆನ್ ಇಲ್ಲ್ ದಿಂಜಾಲ ||
ಈ ಮುಟ್ಟೊಡಿತ್ತ್ಂಡ ಅವ್ವೇ ದೈರೊದ ತಾಂಗ್
ಬೊಲ್ಲ ಬತ್ತ್ಂಡಲಾ ಆಯೆರೆಗ್ ಕಡಪ್ಪು |
ತೂಟೆ ಬೀಜೊಂದೇ ಸಾದಿ ನಡಪುವೆ ಯಾನ್
ಆ ಬೊಲುಪ್ಪುಡೇ ಕೋರಿ ಕಿಲೆಪ್ಪು ||
ಈ ಬರ್ಪ ಪಂಡ್ದೇ ಕಾತ್ ಕುಲ್ಲಿಯೆ ಮೂಲು
ಚೀಪೆ ಕೈಪೆನ್ ಪಾತ್ರೆಡೊಟ್ಟು ಪಾಡ್ದ್ |
ಸುಕೊದುಕ್ಕೊ ರಡ್ಡ್ಲಾ ರಾತ್ರೆ ಪಗೆಲ್ದ ಲಕ್ಕ
ಒಪ್ಪುಪುಟ್ಟಿನ ಮೋಕೆ ತಗೆತಂಗಡಿ II
ಪರ್ಬೊ ಪುನ್ಪುನವೊಂಜಿ ಉಡಲ್ದುಲಯಿದ ಕಿಲೆಪ್ಪು
ಫಲಪಂರ್ದ್ ಬುಲೆಸಲೆ ಪೊಲಿಯಾದ್ ಬರಡ್ |
ಬಿತ್ತ್ ಕೊಡಿತ್ತ್ದ್ ಪೆತ್ತ ಕೈಕಂಜಿ ದಿಂಜ್ದ್
ತೋಟೊ ಕಂಡನೊ ಇಲ್ಲ್ ಬೆಳಗಾದ್ ಬುಡಡ್ ||
ನೆಯಿ-ಪೇರ್/106
